Maraqlı

Günəş işığı xeyir ya zərərdir?

29 May 2025 02:02

Baxış: 1 909

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Oklend Universitetinin alimləri gün işığının immun sisteminin infeksiyalarla mübarizə qabiliyyətini artırdığını müəyyən ediblər.

Tədqiqat zamanı şəffaf bədən quruluşuna malik və genetik baxımdan insanla oxşar xüsusiyyətlərə sahib danio-rerio adlı balıq növü model kimi istifadə olunub. Bu model sayəsində immun hüceyrələrin davranışı real vaxt rejimində müşahidə edilib.

Araşdırma göstərib ki, insan orqanizmində ən çox rast gəlinən ağ qan hüceyrələri - neytrofillər - gün işığına məruz qaldıqda bakteriyaları daha effektiv şəkildə məhv edirlər. Neytrofillər iltihab ocaqlarına ilk çatan və orqanizmi patogenlərdən qoruyan əsas hüceyrələr hesab olunur.

Alimlər bildirirlər ki, bu nəticə gələcəkdə immun hüceyrələrin bioloji ritmlərini tənzimləyən dərmanların hazırlanmasına yol aça bilər. Belə preparatlar orqanizmin infeksiyalara və iltihab proseslərinə qarşı müqavimətini artırmaq üçün istifadə oluna bilər.

Hazırda tədqiqatçılar işığın immun hüceyrələrinə təsir mexanizmlərini daha dərindən araşdırmaq üzərində çalışırlar.

Asya
Milli.Az