Maraqlı

Mobil nömrəni eSIM necə etmək olar? - AÇIQLAMA

15 May 2025 12:00
Baxış: 1 770
VTB-də minimal faiz dərəcəsi ilə nağd kredit 9.9%-dən
#MARAQLI #MOBİL TELEFON

Azərbaycanda mobil rabitə istifadəçiləri üçün daha bir rahatlıq tətbiq olunub. Artıq konturla işləyən (hazır) nömrələrin də eSIM texnologiyasına keçirilməsi mümkündür. 

Milli.Az xəbər verir ki, hazır nömrədən istifadə edən abunəçilər mobil operatorların (Azercell, Bakcell, Nar) rəsmi xidmət mərkəzlərinə yaxınlaşaraq eSIM-ə keçid edə bilərlər. Bunun üçün abunəçi şəxsiyyət vəsiqəsi ilə operatora müraciət etməli və eSIM profili üçün təqdim olunan QR kodu cihazına əlavə etməlidir.

eSIM texnologiyasından yalnız bu funksiyanı dəstəkləyən cihaz sahibləri yararlana bilər. Bu siyahıya iPhone XS və sonrası modellər, bəzi Samsung Galaxy (S20 və daha yeni), eləcə də Google Pixel cihazları daxildir və eSIM-ə keçid prosesi bir neçə dəqiqə ərzində tamamlanır və fiziki SIM kartdan istifadə zərurəti aradan qalxır. Xidmətin təqdimatı bəzi operatorlarda pulsuz, digərlərində isə simvolik ödənişlə həyata keçirilir.

Mütəxəssislər bildirirlər ki, eSIM texnologiyası həm gündəlik istifadədə rahatlıq yaradır, həm də səyahət zamanı xarici ölkələrin operator xidmətlərini əlavə SIM kart olmadan istifadə etməyə imkan verir.

Qeyd edək ki, eSIM-ə keçmək istəyən şəxsin istifadə etdiyi nömrə öz adına olmalıdır. Əks halda, nömrə sahibinin iştirakı və ya notarial etibarnamə tələb olunur.

Hazır nömrədən istifadə edənlər bu yenilikdən faydalanmaq üçün mobil operatorlarının rəsmi məlumat kanallarına və xidmət ofislərinə müraciət edə bilərlər.

Aysel Əkbər
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.