Kosmosda yeni kəşf: Alimlər ŞOKDA

Kosmos daim dəyişir və genişlənir, elmi texnologiyaların inkişafı isə bizə daha əvvəllər mümkün olmayan obyektləri aşkarlamaq imkanı verir. Son illərdəki müşahidələr nəticəsində astronomlar kainatın müxtəlif guşələrində yeni formalaşmaqda olan strukturlar və maddə toplanmaları aşkarlayırlar. Bu cür tapıntılar kainatın yaranış və inkişaf proseslərini daha dərindən başa düşmək baxımından son dərəcə əhəmiyyətlidir. Bu yaxınlarda əldə edilən bir kəşf də bu sıraya daxildir.

Milli.Az xəbər verir ki, astronomlar Yerə nisbətən yaxın məsafədə cəmi 300 işıq ili uzaqlıqda yerləşən və daha öncə məlum olmayan iri qaz strukturu aşkar ediblər. "Eos" adı verilmiş bu obyekt kainatın dərinliklərində gizlənmiş halda olsa da, maraqlı xüsusiyyətləri ilə diqqət çəkir. Onun əsas tərkibi ulduzların meydana gəlməsində iştirak edən ilkin maddə molekulyar hidrogendən ibarətdir.

Tədqiqatçıların sözlərinə görə, molekulyar hidrogen birbaşa vizual şəkildə müşahidə edilə bilmədiyi üçün bu tip qaz buludlarını aşkar etmək çətinlik yaradır. Lakin "Eos" digər oxşar obyektlərdən fərqli olaraq özündə maraqlı bir xüsusiyyət daşıyır - o, qaranlıq məkanda zəif də olsa, işıq saçır. Məhz bu səbəbdən alimlər bu nəhəng qaz buludunu müşahidə edə və tədqiq edə biliblər.

Yeni kəşf olunan "Eos" qaz buludu təxminən 80 işıq ili diametrindədir və təxmini olaraq 3400 Günəş kütləsi qədər maddə ehtiva edir. Bu nəhəng obyekt "Yerli qabarcıq" adlanan fəzada yerləşir. "Yerli qabarcıq", Günəş sisteminin içindən keçən nisbətən az sıxlıqlı kosmik bir məkandır.

Qeyd edək ki, alimlərin proqnozlarına görə, "Eos" buludu öz ulduzlarını formalaşdırmağa başlamazdan əvvəl, təxminən 6 milyon il ərzində qonşu ulduzların radiasiyası nəticəsində dağıla bilər. Bu, onun yaranma prosesini və gələcək taleyini daha da maraqlı edir.

Asya
Milli.Az