Maraqlı

Başı ağrıyırdı, dilini kəsdilər - FOTO

10 Aprel 2025 10:33

Baxış: 3 648

VTB-də minimal faiz dərəcəsi ilə nağd kredit 9.9%-dən

#DÜNYADA #CƏMİYYƏT #SAĞLAMLIQ #SAĞLAM QİDA

ABŞ-də yaşayan Beth Riehle 35 yaşlı sağlam qadın idi. Anidən başlayan baş ağrısı sürətlə çənə və qulağa yayılıb, dili qaralmağa başlayıb və danışmaqda çətinlik çəkib. Həkimlər əvvəlcə çənə əzələsində problem olduğunu düşünüblər, amma əslində vəziyyət daha pis idi.

Milli.Az xarici mətbuata istinadla xəbər verir ki, 2024-cü ilin mart ayında edilən biopsiya nəticəsində onun dilində 4-cü dərəcəli skuamöz hüceyrəli karsinom (ağız xərçəngi) aşkar olunub. Bu cür xərçəng növü adətən yaşı 65-dən yuxarı olan kişilərdə rast gəlinir.

Beth uzun müddət davam edən ağrılarından sonra 35 seans şüa terapiyası və 7 həftə kimyaterapiya alıb. Amma müalicədən sonra yeni simptomlar ortaya çıxıbvə xərçəng yenidən yayılıb. Dilinin 80%-i 12 saatlıq əməliyyatla kəsilib. O, daha danışa və normal udquna bilmir.

Qeyd edək ki, ağız xərçənginin əsas səbəbləri siqaret, alkoqol və zəif ağız gigiyenasıdır. HPV virusunun bu xərçənglə əlaqəsi hələ tam sübut olunmayıb. Ağız xərçənginin erkən mərhələdə müəyyən edilməsi mümkündür. Xərçəngin qarşısını almaq üçün siqaret və spirtli içkilərdən uzaq durmaq, sağlam qidalanmaq və HPV peyvəndi vurulması tövsiyə olunur.

İsmayıl
Milli.Az