PUL
.jpg)
İsrail arxeoloqları Zohar vadisinin şimalındakı Yəhudeya səhrasında 2000 ildən çox yaxşı qorunmuş piramidal quruluş tapıblar. Onun məqsədi hələ də bəlli deyil, lakin binanın içərisində çoxlu müxtəlif artefaktlar var.
Milli.Az lent.az-a istinadən xəbər verir ki, tapıntı İsrail Qədim Əşyalar İdarəsinin (IAA) rəsmi saytında dərc edilib.
Alimlər müəyyən ediblər ki, piramida yüzlərlə kiloqram ağırlığında diqqətlə işlənmiş bloklardan hazırlanıb. Onun ticarət yolu boyunca yerləşən abidə, türbə və ya gözətçi qülləsi ola biləcəyi ehtimal edilir.
Quruluşun içərisində yunan mətnləri olan papirus parçaları, taxta əşyalar və hörmə səbətlər, silahlar, tunc sikkələr və qablar, hətta parça və toxum nümunələri aşkar edilib. Bütün bu əşyalar Ölü dənizin quru iqlimi sayəsində günümüzə qədər gəlib çatıb.
Arxeoloqlar müəyyən ediblər ki, piramida iki qədim imperiya - Ptolemeylər və Selevkilər arasında qarşıdurma dövründə tikilib. Birincilər Misir və İsrailə, ikincilər isə şimal ərazilərinə nəzarət edirdilər. Lakin binanın dəqiq kimə məxsus olduğu hələlik məlum deyil.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
