Maraqlı

Gündə 13 litr kola içir - FOTO

20 Yanvar 2025 09:45

Baxış: 1 372

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #SAĞLAMLIQ

Amerikalı Steve Kinyon sosial mediada paylaşdığı və 8 milyon dəfə izlənilən video ilə gündəlik olaraq içdiyi mineral qazlı içkilərin miqdarı ilə hər kəsi təəccübləndirib.

Milli.Az xəbər verir ki, Kinyon gün ərzində 13,8 litr qazlı içki istehlak etdiyini bildirib və bu vərdişin sağlamlığına təsiri barədə düşünür.

Hər səhər dörd qutu qazlı içki ilə günə başlayan Kinyon idman edərkən və sonra böyük miqdarda qazlı içki içir. İdmandan əvvəl 2,5 litrdən çox içki içən Kinyon bu miqdarı idmandan sonra üç litrə qədər artırır. Hətta içkilərinə taurinin əlavə edilməsi ilə ümumi miqdar altı litr təşkil edir.

Qazlı içkilərin zərərləri

Mütəxəssislər çoxlu qazlı içki içməyin sağlamlıq üçün ciddi təhlükələr yaratdığını bildirirlər. Qazlı içkilərin tərkibindəki kafein miqdarı normadan artıq qəbul edildikdə narahatlıq, yuxusuzluq və həddindən artıq adrenalin ifrazına səbəb ola bilər. Bundan əlavə, yüksək şəkər tərkibli içkilər qan şəkərinin yüksəlməsi, diabet, ürək xəstəlikləri və hətta beyin sağlamlığı ilə bağlı problemlərə yol açır.

Araşdırmalar göstərir ki, gündə iki və ya daha çox stəkan qazlı içki istehlak edənlərin ölüm riski, ayda bir stəkandan az içənlərə nisbətən daha yüksəkdir. Bu içkilərin diş çürüməsinə, ağız xəstəliklərinə və hətta beynin kiçilməsinə səbəb olduğu müəyyən edilib. Mütəxəssislər sağlam həyat tərzi üçün qazlı içkilərin istehlakını minimuma endirməyi tövsiyə edirlər.

İsmayıl
Milli.Az