“40 gün nə etsəniz özünüzə qayıdacaq”

"Dekabrın 21-də Yer kürəsində ruhların Zühur dövrü başlayıb. Daha karma, qədər -qismət anlayışı başa çatdı. İndi 40 günlük bumeranq dövrünə qədəm basmışıq. Kimə nə yaxşılıq, nə pislik etsək 40 gün ərzində özümüzə təsir edəcək. Kainata ancaq gözəl duyğular ötürün, gözəllik şəklində geri dönüş alın".

Milli.Az bildirir ki, bu fikirləri tədqiqatçı, ezoterik İsgəndər Tağıyev səsləndirib.

O bildirb ki, bu dövr 2025-ci ilin 21 dekabrına qədər davam edəcək. "Bəşəriyyət transformasiya dönəminə qədəm qoyub. Biz daha əvvəlki kimi olmayacağıq. Yüz milyon illərdir insanlar 21 dekabrdan sonrakı dönəmi gözləyir"

Bütün bəşəriyyət 4 şüur təbəqəsinə bölünür: avam, xas, övliya və ənbiya. Övliya şüur təbəqəsinə keçməzdən öncə bəşər övladı Zühur edir və bu prosesə də, dünyada insanların yarıdan çoxu qatılacaq. Çünki hər ruhun Yer üzünə gəlməkdə məqsədi kamilləşməkdir. Kamilləşənə qədər 144 dəfə doğulub ölürük.

Qalan cavan ruhlar ( kamilləşə bilməyənlər)  təkamül etmək üçün təbii ölümlə bu prosesi yaşayanlardır, 13 min il kamil ruh olana qədər reinkarnasiya edəcəklər. 

Yerdəki kamil ruhlar cavan ruhların təkamülünə dəstək verirlər.

İnsanlar 1987-ci ildən Zühur dövrünə hazırlaşdırılır. Bu dövr nəhayət ki, 21 dekabrdda başladı.

Bəşər tarixinin son dövrü "Qızıl dövr"ünü yaşayırıq. Bu Qızıl dövr prosesində də Yerin və bədənimzin vibrasiya tezliyi (frekans) artır. 1987-ci iləcən bizim bədənimizin işığı 8 Hersə (Hz) yaxın idisə, hazırda Zühura getmək ərəfəsində olan insanların bədənin işığı 80-120 Hz-ə yaxınlaşıb. Tezliyi daha çox olanlar övliya mərtəbəsinə yüksələnlərdir.

Vücudumuzun işıqlanması üçün böyük və təmənnasız sevgiyə ehtiyacımız var. Yəni bütün bu mərhələlər onun üçündür ki, insan özü seçim etsin, nəfs, nifrət, aşağı vibrasiyalarla yox, ali hisslərlə yaşamağın insanlıq üçün çıxış yolu olduğunu anlasın. 

İndiki həssas, aləmlərin və insanın enerji potensialının artdığı vaxtda nə düşünürsən, o da olur.. Nifaq, nifrət kimi  aşağı vibrasiyalara yönləndirən duyğulara qətiyyən yol vermək olmaz"- deyə o vurğulayıb. /Lent.az

Milli.Az