Maraqlı

"Bentley" elektrikli krossover buraxacaq

9 Noyabr 2024 17:15
Baxış: 1 106
VTB-də minimal faiz dərəcəsi ilə nağd kredit 9.9%-dən

Lüks avtomobil istehsalçısı olan Britaniyanın "Bentley" şirkəti 2035-ci ilədək tam elektrik enerjisinə keçidi nəzərdə tutan yeni "Beyond100+" inkişaf strategiyasını açıqlayıb. Bu addım şirkətin əvvəlki planlarında əhəmiyyətli dəyişiklik deməkdir, belə ki, əvvəllər 2030-cu ilə qədər tam "yaşıl" olmağı planlaşdırırdı.

Milli.Az oxu.az-a istinadən xəbər verir ki, bu barədə motor.ru-ya məlumat yayıb.

Elektrifikasiyaya doğru ilk addım 2026-cı ildə tam elektrikli lüks şəhər krossoverinin buraxılışı olacaq. Bu avtomobil "Bentley"nin hər il yeni hibrid və ya tam elektrikli modellərlə genişlənəcək yeni elektromobil xəttinin başlanğıcını qoyacaq.

Tam elektrik enerjisinə keçidin 2035-ci ilə qədər təxirə salınması qərarı 2023-cü ilin sonu və 2024-cü ilin əvvəlində elektromobillərə marağın azalması ilə bağlıdır. "Aston Martin", "Ford" və "Volvo" kimi bir çox avtomobil istehsalçıları da tam elektrifikasiyadan əvvəl aralıq mərhələ kimi hibrid modellərə diqqət yetirməyi qərara alıblar.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.