“Check Engine” işığı niyə yanır? – Bu halda avtomobili idarə etmək olar?

Avtomobillərin məlumat lövhəsində yanan "Check Engine" xətasının baş vermə səbəbi bir çoxlarına maraqlıdır.

Milli.Az lent.az-a istinadən xəbər verir ki, bu işarə bir çox sürücüdə stress yaradır və dərhal bir çox sual meydana gəlir.

"Check Engine" işarəsinin dilimizdə mənası "Mühərriki yoxlayın" deməkdir.  Qeyd edək ki, bu işarə işarələr arasında ən ümumi və vacib işarələrdən biridir.

Onun yanması mühərrik və avtomobil sistemlərinin işləməsi ilə bağlı həm kiçik, həm də ciddi problemlərin geniş spektrindən xəbər verir.

İdarəetmə bloku motorun və ya ona birbaşa qoşulmuş bölmələrin işində bir səhv aşkar edərsə, bu işıq yanır.

Ekspertlərin fikrincə, hər şey problemin özündən asılıdır. Sensorun yanmasının bir çox səbəbi var. Və bəzən onlar birbaşa mühərriklə əlaqəli olmaya bilər.

Məsələn, bu işıq yandı və birdən söndüsə, bu, sistemin aşkarlaya bildiyi, lakin nədənsə yoxa çıxdığı bir problemi göstərir.

Daxili yanma mühərriki işə salındıqdan sonra 2-3 saniyə ərzində işıq sönmürsə, deməli xəta qeydə alınıb. Bu vəziyyətdə, məsələn, benzini dəyişərkən və ya daxili yanma mühərrikinə yağ əlavə edərkən, işarə bəzən sönə bilər.

Əgər işıq yanıb-sönürsə, bu, ciddi bir problemi (məsələn, yanlış alışma) göstərə bilər, bu halda maşını dayandırıb səbəbini tapmaq daha yaxşıdır".

Çox vaxt "Check Engine" nasaz sensorlar və qurğular, həmçinin yanacaq injektorlarının və ya nasosun düzgün işləməməsi səbəbilə yanır.

İşıq həmçinin katalizatorun sıradan çıxması və ya səsboğucu sistemindəki hissəcik filtrinin çirklənməsi səbəbilə də işə düşə bilər.

Mütəxəssislər hesab edirlər ki, "Check Engine" tərəfindən göstərilən problem diqqətdən kənarda qalmamalıdır. Siz dərhal diaqnostikaya müraciət etməli və problemin səbəbini tapmalısınız.

Əgər bu işıq yandığı halda avtomobilin işində bir dəyişiklik aşkar edilmirsə o zaman siz texniki xidmət mərkəzinə qədər sürməyə davam edə bilərsiniz. Hər hansı digər əlamətlər görünsə, evakuatordan istifadə etmək məsləhətdir, çünki avtomobili sürmək təhlükəli ola bilər.

Milli.Az
​Xəbərlərimizi WhatsApp kanalımızdan da oxuyun