Maraqlı

Meymun spirtli içkilərə aludə olub və içki mağazalarını soymağa başlayıb - VİDEO

6 Noyabr 2022 04:31

Baxış: 1 052

#VİDEO #HİNDİSTAN

Hindistanın Uttar-Pradeş ştatının Ray-Bareli şəhərində meymun spirtli içkilərə aludə olub və spirtli içki satan mağazaları soymağa başlayıb.

Milli.Az bildirir ki, bu barədə "India Times" məlumat yayıb.

Mağazalardan birinin sahibi spirtli içki sevən meymunun onu və digər mağaza sahiblərini qorxutmasından şikayətlənib. Alkoqol şüşələri almasına mane olanda, heyvan aqressivləşib. Bəzi hallarda primat hətta müştərilərdən içki də götürüb.

Asılılığına görə meymun şəhərdə məşhur olub. Hadisə şahidləri tərəfindən çəkilən videolarda heyvanın pivə qutusunu açıb insanların gözü qarşısında acgözlüklə içdiyi görünüb. Yerli məmur Rajendra Pratap Singh Meşə Ehtiyatları Departamentinin köməyi ilə meymunu tutmağa çalışdıqlarını bildirib.

İrfan Vəliyev
Milli.Az