Xızıda "TIR" traktorla toqquşub, ölən və xəsarət alanlar var.
Milli.Az APA-ya istinadən bildirir ki, hadisə Bakı-Quba yolunun Xızı rayonundan keçən hissəsində qeydə alınıb Belə ki, "TIR" yol kənarında dayanan traktora çırpılıb. Qəza nəticəsində hər iki nəqliyyat vasitəsi aşıb.
Hadisə zamanı traktorun sürücüsü, 1961-ci il təvəllüdlü Səfərov Həsənalı Səfər oğlu aldığı xəsarətlərdən hadisə yerində dünyasını dəyişib. "TIR"ın sürücüsü və sərnişini isə xəstəxanaya yerləşdirilib.
Faktla bağlı araşdırma aparılır.
Milli.Az