Hacıqabulda baş verən qəzada motosiklet sürücüsü ağır xəsarət alıb.
Milli.Az APA-ya istinadən bildirir ki, hadisə Hacıqabul şəhərində qeydə alınıb.
Hacıqabul şəhər sakini, 1961-ci il təvəllüdlü Əsədov Pərviz Yadulla oğlu idarə etdiyi motosikletlə dönmə əməliyyatı etmək istəyərkən avtomobil tərəfindən vurulub.
Nəticədə motosikletin sürücüsü kəllə-beyin travması və digər xəsarətlərlə Şirvan Şəhər Mərkəzi Xəstəxanasının reanimasiya şöbəsinə yerləşdirilib.
Faktla bağlı araşdırma aparılır.
Milli.Az