Hadisə

Azərbaycanlı reperlərin avtomobili atəşə tutuldu

10 Dekabr 2019 09:34
2 Şərh     Baxış: 2 600
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"HammAli & Navai" qrupunun reperləri Aleksandr Əliyevlə Nəvai Bəkirovun içərisində olduqları avtomobil atəşə tutulub.

Milli.Az qafqazinfo-ya istinadən xəbər verir ki, bu barədə Rusiya Daxili İşlər Nazirliyinin regional idarəetmə mərkəzinin nümayəndəsi məlumatverib. İnsident reperlər Lipetskdən Moskvaya qayıdarkən baş verib. Onların sözlərinə görə, maşınlarının yaxınlığında silahdan açılan atəşə oxşayan səslər eşidiblər. Hadisə zamanı xəsarət alan olmayıb. Hazırda faktla bağlı araşdırma aparılır.

Qeyd edək ki, "HammAli & Navai" solistləri ilə bağlı daha bir hadisə dekabrın 9-na keçən gecə Lipetskdə baş verib. Səhnənin minalanması ilə bağlı anonim zəng səbəbindən reperlərin konserti yarımçıq qalıb. Yoxlamalar zamanı heç bir partlayıcı vasitə tapılmayıb.

Rusiya DİN nümayəndəsi hər iki insident arasında bağlılıq olmadığını bildirib.

"HammAli & Navai" qrupu 2016-cı ildə yaradılıb. Aleksandr Əliyev və Nəvai Bəkirov Azərbaycanda doğulsalar da, Rusiyada fəaliyyət göstərirlər.

Milli.Az

 
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.