Tovuzda ölümlə nəticələnən yol-nəqliyyat hadisəsi baş verib.
Milli.Az qafqazinfo-ya istinadən xəbər verir ki, hadisə Tovuz şəhərində, avtovağzalın yaxınlığında qeydə alınıb. Hərəkətdə olan "JEEP" əvvəlcə "VAZ"a, daha sonra isə motosikletə çırpılıb.
Qəza zamanı ağır xəsarət alan motosikletin sürücüsü, 1984-cü il təvəllüdlü Əliyev Babək Sabir oğlu ağır vəziyyətdə xəstəxanaya çatdırılıb. Tibbi yardımlara baxmayaraq onun həyatını xilas etmək mümkün olmayıb.
Qəzanı törədən "JEEP"in sürücüsü hadisə yerindən qaçıb. Faktla bağlı araşdırma aparılır.
Milli.Az