Hadisə

Azərbaycanlı biznesmen suşi yeməyə getdi, 2.5 milyonu oğurlandı

26 İyun 2019 18:24
1 Şərh     Baxış: 2 426

Azərbaycandan olan biznesmen Rusiyanın Sankt-Peterburq şəhərində, Petrovsk sahilboyunda yerləşən yapon restoranında öz həmyerlisi ilə yemək yeyəndən sonra pulunun və qiymətli əşyalarının oğurlandığını bilib.

Milli.Az virtualaz.org-a istinadən xəbər verir ki, biznesmen Petroqrad rayon polis idarəsinə oğurluq faktı ilə bağlı şikayət verib.

Adı açıqlanmayan 59 yaşlı biznesmenin sözlərinə görə iyunun 23-də səhər saat 4 radələrində restorandan çıxıb və bu zaman bahalı qaşlarla bəzədilmiş qızıl üzüyünün, smartfonunun və pullarının yoxa çıxdığını görüb. O, dəyən ziyanı 2.5 milyon rubl həcmində qiymətləndirib. Həmin şəxsin kommersiya firmalarından birinin direktorlar şurasının üzvü olduğu bildirilir.

Biznesmen ifadəsində göstərib ki, pulunun və qiymətli əşyalarının yoxa çıxmasından əvvəl o, az tanıdığı həmyerlisi ilə restoranda spirtli içki içib, suşi yeyib.

Şübhəlini götürdüyü telefonun sayəsində tezliklə yaxalamaq mümkün olub. Məlum olub ki, o heç yerdə işləməyən 40 yaşlı Azərbaycan vətəndaşıdır. Onu Ermitaj rayonunda iyunun 25-nə keçən gecə yaxalayıblar, barəsində cinayət işi qaldırıblar.

Milli.Az

loading...

Şərh yaz:

1 Şərh:

  • Anonim
    ALEKS❤ · 26 İyun 19:0210

    İşimlə,hobbimlə əlaqədar olaraq bir müddər Rusiyaya gedib gəlmişəm...çox şeylər görmüşəm.belə təsadüfi adama guya canıyananları çox görmüşəm.solidni formada (inanmazsanki bu viddə adam)tüfeyli həyat keçirdib ,,atmaqnan,,,oğurluqnan məşğuldu.ona görə də elələrinə yaxınlıq verməməkdi,ünsiyyətdə olmamaqdı.bu biznesmen də onların qurbanlarından biridir.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.