Hadisə

Gürcüstanda separatizmə qarşı aksiya - Gürcülərdən azərbaycanlılara böyük DƏSTƏK

8 Fevral 2019 11:55
4 Şərh     Baxış: 1 419

Gürcüstanın Axalkalaki bələdiyyəsinin Buqaşen kəndində Dağlıq Qarabağda Azərbaycana qarşı vuruşmuş, dinc azərbaycanlı əhalini qətlə yetirmiş "Kobra" ləqəbli terroçu Mikail Avakyana abidə qoyulması həm azərbaycanlı, həm də gürcü ictimaiyyətinin etirazına səbəb olub.

Bununla əlaqədar Gürcüstan azərbaycanlıları bu gün - fevralın 8-də Gürcüstan parlamentinin binası qarşısında etiraz aksiyası keçirəcəklər. Aksiyaya rəsmi şəkildə icazə də verilib.

Milli.Az xəbər verir ki, Gürcüstandakı Vahid Milli Hərəkat Partiyasının üzvü,  ölkə parlamentində təmsil olunan azərbaycanlı deputatı Azər Süleymanov aksiya barədə modern.az-a açıqlama verib.

"Gürcüstanın Axalkalaki rayonunun Buğaşen kəndində erməni terrorçu Mikael Avakyana abidə qoyulmasına etiraz olaraq bu gün saat 2-də Gürcüstan parlamentinin qarşısında  aksiya keçiriləcək",-deyə deputat bildirib.

Deputat qeyd edib ki, aksiyaya təkcə azərbaycanlılar qoşulmayacaq:

"Aksiyaya qoşulanlar arasında təkcə azərbaycanlılar yox, gürcülər də olacaq. Çünki bu məsələ əsasən gürcülərin problemidir. Gürcüstanın 20% torpağı işğal olunub. Demək olar ki, separatizmdən əziyyət çəkən dövlətdir. Gürcüstan torpağında heç bir separatçıya yer olmamalıdır. O ki qaldı abidə qoyulsun".

Azərbaycanlı deputatın sözlərinə görə, aksiyaya qoşulanlar arasında o özü də olacaq:

"Bir deputat kimi aksiyaya mən də qoşulacam. Əhalinin yanında olmaq mənim də borcumdur. Gürcü ziyalıları, elm adamları da bugünkü aksiyaya qoşulmaq niyyətindədirlər. Bugünkü aksiya dövlətə qarşı yox, separatizmə qarşıdır.  Gürcüstan və Azərbaycan arasında dostluq və qardaşlıq  mövcuddur. Bu tarixən də belə olub. Heç zaman yol vermərik ki, hansısa separatçı buna nail olsun".

Azər Süleymanov Nərimanovun heykəlinin götürülməsi barədə ortaya atılan məsələyə də münasibət bildirib:

"Nərimanovun abidəsinin götürülməsi məsələsi müzakirə mövzusu deyil. Ona görə ki, abidə yerindədir. Sadəcə, məsələ məqsədyönlü şəkildə ortaya atılıb. İnsanların diqqətini Avakyandan Nərimanovun heykəlinə yönəltmişdilər. Bu bir provokasiya xarakteri daşıyır. Müxalifətdə olsam da, onu deyə bilərəm ki, dövlət heykəli götürmək fikrində deyil".

Qeyd edək ki, bir neçə gün bundan qabaq Gürcüstanın Axalkalaki rayonunun Buğaşen kəndində erməni terrorçu Mikael Avakyana abidə qoyulub. Erməni separatçıya abidənin qoyulması etirazlara səbəb olub.

Bundan sonra Nərimanovun Marneulinin mərkəzindəki heykəlinin götqürüləcəyi məsələsi bilərəkdən ortaya atılıb.

Milli.Az

loading...

Şərh yaz:

4 Şərh:

  • Anonim
    02 · 8 Fevral 12:3230

    Azərbayacanın çörəyi haram olrun gürcülərə

    Cavab yaz
    • Anonim
      02-yə · 8 Fevral 13:0500

      Bunu gürculər yox hiyləgər xəyanətkar ermənilər edib..Məqsəddə aranı qarışdırmaq öz mənfür riyakar niyyətlərini həyata keçirmək olub.

      Cavab yaz
  • Anonim
    ... · 8 Fevral 12:5800

    Toydan sonar nagara

    Cavab yaz
  • Anonim
    Аkif · 8 Fevral 13:5410

    O qeder gurculesmis ermeni var ki, familyalarini deyisib gurcu familiyasi dasiyirlar rahatca Azerbaycana gedib gelirler.Hetta Bakidan evde alirlar.Gomrukdekiler yatirlar

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.