Hadisə

"Onun ağlında ölüm olmayıb" - Metroda intihar edən gəncin işçisi

10 Yanvar 2018 14:59
7 Şərh     Baxış: 5 882
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

8 yanvar saat 22:10 radələrində "Ulduz" metrostansiyasında özünü qatarın altına ataraq intihar edən gənc barədə xəbər vermişdik.

1995-ci il təvəllüdlü Mustafazdə Rəşad Əlixan oğlu 2015-ci ildə Gəncə Humanitar Kollecini bitirib. Eyni zamanda, dizayner və turizmçi kimi çalışıb. "Glamour Centre MMC" adlı bölgələrə turlar təşkil edən şirkətinin rəhbəri olub.

Milli.Az xəbər verir ki, Rəşad barədə modern.az-a danışan "Glamour Centre MMC"in əməkdaşı Əli Hüseynov deyib ki, Rəşadın çox yaxşı insan olub.

"Biz onun işçiləri idik. Xeyirxah, yardımsevər, gəzməyə, öyrənməyə daha çox önəm verən bir insan olub. İmkanı o qədər də yaxşı deyildi. Normal həyat tərzi olan biriydi. Mən Rəşadı 2005-ci ildən tanıyıram və onda yaxşılıqdan başqa heç nə görməmişəm. Xarici ölkələrdə çox olub və  7-dən çox dil bilirdi. Rəşad dar günün dostu idi. Onun ağlında ölüm olmayıb, olubsa belə, biz qətiyyən hiss etməmişik. Axşam saat 19 radələrində mesajlaşmışıq. 22 radələrinə isə bu bəd xəbəri aldım. Rəşadın əsəbləri  yerində deyildi.

Son zamanlar onun haqqında danışılan pis xəbərlərin hamısı yalandır. O, sadəcə, çox ölkə gəzmiş çox savadlı və sırf müasir biri idi. Hər bayram heç olmasa 5 nəfərin qapısını açıb sevindirirdi. O, yaxşılıqdan, yardımdan başqa heç nə bilmirdi. Rəşad haqqında nə qədər danışsam azdır".

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.