Azərbaycan Fövqəladə Hallar Nazirliyinin (FHN) helikopteri Gürcüstanda meşə yanğınlarının söndürülməsi əməliyyatına qoşulub.
Milli.Az FHN-ə istinadən xəbər verir ki, avqustun 21-də Azərbaycan Prezidenti İlham Əliyevin tapşırığına əsasən, Fövqəladə Hallar Nazirliyi Gürcüstanın Borjomi-Xaraqulsk qoruğunda baş vermiş meşə yanğınlarının söndürülməsinə kömək məqsədilə helikopter göndərib.
Nazirlyin Aviasiya dəstəsinə məxsus, xüsusi avadanlıqla təchiz olunmuş "Ka-32A" helikopteri avqustun 22-də saat 06:30 radələrindən Samtsxe-Cavaxetiya bölgəsində kəşfiyyat uçuşlarına başlayıb və 06:40 radələrindən yanğının söndürülməsi əməliyyatına qoşulub.
Milli.Az