21:11
Biləsuvar rayonunda baş verən zəncirvari yol qəzasında xəsarət alanların kimlikləri məlum olub.
Milli.Az APA-ya istinadən xəbər verir ki, xəsarət alanlar Biləsuvarda məskunlaşan Cəbrayil rayon sakinləri, hər ikisi 1977-ci təvəllüdlü Ağayev Azər Heydər oğlu və Qafarov Maşallah Məhəmmədəli oğludur.
A.Ağayev açıq kəllə-beyin travması diaqnozu ilə İmişli Rayon Mərkəzi Xəstəxanasının reanimasiya şöbəsinə yerləşdirilib, vəziyyəti nisbətən yüngül olan M.Qafarov travmatologiya şöbəsində müalicə alır.
Faktla bağlı araşdırma aparılır.
---------
19:46
Biləsuvarda zəncirvari yol qəzası baş verib.
Milli.Az APA-ya istinadən xəbər verir ki, rayon ərazisində avtobus, QAZ-53 markalı yük maşını və minik avtomobili toqquşub.
İlkin məlumata əsasən, yük maşınında olan 2 nəfər xəsarət alıb. Xəsarət alanlar xəstəxanaya çatdırılıb. Hadisənin təfərrüatları müəyyənləşdirilir.
Milli.Az