Hadisə

1000-ə yaxın saxta pul aşkar edilərək dövriyyədən çıxarılıb

12 İyun 2026 16:28
Baxış: 887
VTB-də minimal faiz dərəcəsi ilə nağd kredit 9.9%-dən

2025-ci il ərzində Azərbaycan Mərkəzi Bankı (AMB) milli və xarici valyutada saxta və saxtakarlıq əlamətləri olan pul nişanlarını aşkar edərək dövriyyədən çıxarıb.

Milli.Az xəbər verir ki, qurumun illik idarəetmə hesabatına əsasən, il ərzində milli valyutada 440 ədəd (39 min manat) saxta pul nişanı müəyyən edilib. Xarici valyutada isə 550 ədəd saxtakarlıq əlaməti olan pul nişanı aşkarlanıb. Ümumilikdə 990 ədəd pul nişanı tədavüldən çıxarılaraq hüquq-mühafizə orqanlarına təqdim olunub.

Hesabata görə, əhalidə olan yararsız pul nişanlarının dəyişdirilməsi məqsədilə Bakı şəhərində və regionlarda fəaliyyət göstərən nağd pul ofisləri il boyu xidmət göstərib. İl ərzində vətəndaşlardan ümumilikdə 2,63 milyon manat dəyərində (43,6 min ədəd) pul nişanı qəbul edilərək yeniləri ilə əvəz edilib.

Eyni zamanda, il ərzində dövriyyədən 4,5 milyard manat məbləğində pul nişanı mədaxil edilib, 6,6 milyard manat isə məxaric olunub. Nəticədə tədavüldə nağd pul kütləsi 12,1% artaraq 19,6 milyard manata yüksəlib.

Qeyd edilib ki, 2025-ci ilin son iş gününə milli valyuta üzrə ehtiyatlar 7,1 milyard manat təşkil edib və bu göstərici iqtisadiyyatın nağd pul tələbatının qarşılanması baxımından yetərli hesab olunur.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.