Hadisə

Cənazə namazında molla huşunu İTİRDİ - VİDEO

22 Fevral 2026 17:06
Baxış: 1 555
VTB-də minimal faiz dərəcəsi ilə nağd kredit 9.9%-dən
#VİDEO #TÜRKİYƏ #DƏM QAZI

Türkiyədə dəhşətli hadisə baş verib.

Milli.Az xəbər verir ki, 28 yaşlı ər-arvad və onların 8 aylıq körpəsi yaşadıqları evdə dəm qazından zəhərlənərək həyatlarını itiriblər.

İlkin məlumata görə, hadisə ailənin yaşadığı mənzildə baş verib. Ehtimal olunur ki, qaz sızması və ya soba sistemində yaranan nasazlıq faciəyə səbəb olub. Hadisə yerinə çağırılan təcili tibbi yardım briqadası ailə üzvlərinin həyatını xilas edə bilməyib.

Gənc ailənin vaxtsız ölümü yaxınları və qonşuları arasında böyük kədər yaradıb. Sosial şəbəkələrdə də hadisə ilə bağlı çoxsaylı başsağlığı paylaşımları edilib.

Faciə bununla da bitməyib. Mərhumların cənazə mərasimi zamanı namazı qıldıran din xadimi hadisənin təsirindən özünü pis hiss edib. Bildirilir ki, körpənin tabutunu gördükdən sonra molla huşunu itirərək yerə yıxılıb. Ona dərhal tibbi yardım göstərilib və vəziyyətinin stabil olduğu qeyd olunur.

Ölənlərin qardaşı, gəlinləri və uşaqları olduğu bildirilib.

Mütəxəssislər bir daha vətəndaşlara qaz cihazlarından istifadə zamanı təhlükəsizlik qaydalarına ciddi əməl etməyi, mütəmadi texniki baxış keçirməyi və qaz detektorlarından istifadə etməyi tövsiyə edirlər.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.