Hadisə

Azərbaycanda toyda bədbəxt hadisə: Ölən var

27 İyul 2025 16:01
Baxış: 2 031
VTB-də minimal faiz dərəcəsi ilə nağd kredit 9.9%-dən
#HADİSƏ

23 yaşlı Ağdam rayon sakini Qax Rayon Mərkəzi Xəstəxanasında həyatını itirib.

Milli.Az APA-ya istinadən xəbər verir ki, ötən gün axşam saatlarında Qax şəhər ərazisindəki şadlıq evlərinin birində keçirilən toy məclisində iştirak edən hazırda Zaqatala rayonu qaçqın şəhərciyində yaşayan Ağdam rayon sakini 2002-ci il təvəllüdlü Orxan Nizami oğlu Qarayev şadlıq evinin pilləkənindən yıxılaraq ağır kəllə-beyn xəsarəti alıb.

Hadisədən sonra 23 yaşlı gənc Qax Rayon Mərkəzi Xəstəxanasının (RMX) Cərrahiyyə şöbəsinə yerləşdirilib. Lakin həkimlərin səyinə baxmayaraq O.Qarayev bu gün səhər saatlarında xəstəxanada dünyasını dəyişib.

O.Qarayevin ölümünə aydınlıq gətirilmək üçün meyit Məhkəmə Tibbi Ekpertiza və Potoloji Anataomiya Birliyinin Qax rayon Şöbəsinə təhvil verilib.

Faktla bağlı Qax rayon Prokurorluğunda cinayət işi başlayıb, araşdırma aparılır.

23 yaşlı gəncin xəstəxanada ölməsi faktı ilə bağlı TƏBİB-dən cavab olaraq bildirilib ki, 26.07.2025-ci il tarixində saat 21:20 radələrində yıxılması səbəbilə 2002-ci il təvəllüdlü (kişi cinsli) şəxs Qax Rayon Mərkəzi Xəstəxanasına hospitalizasiya olunub.

Ona dəqiqləşdirilməmiş kəllə-beyin silkələnməsi, kəllə əsasının sınığı, burun-qulaq qanaxması diaqnozu təyin olunub.

Pasiyent dərhal Cərrahiyyə şöbəsinə yerləşdirilib, lakin həkimlərin çoxsaylı səylərinə baxmayaraq 27.07.2025-ci il tarixində saat 08:00 radələrində ölüm faktı qeydə alınıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.