Hadisə

Meşə yanğınlarının əsas səbəbləri açıqlandı

17 İyul 2025 18:47
Baxış: 856
VTB-də minimal faiz dərəcəsi ilə nağd kredit 9.9%-dən
#YANĞIN

Azərbaycanda son vaxtlar bölgələrdə yanğınların sayı artıb və bəzən vaxtında söndürülməsi çətinləşir. Bu vəziyyətin əsas səbəbləri nədir və qarşısının alınması üçün hansı tədbirlər görülür?

Milli.Az-ın sorğusuna cavab olaraq Fövqəladə Hallar Nazirliyindən bildirilib ki, yay müvsümü ilə əlaqədar açıq sahələrdə yanğın hadisələrinin baş verməsində intensivlik müşahidə olunur.

"Bu növ hadisələrin qarşısının alınması məqsədilə Fövqəladə Hallar Nazirliyi tərəfindən əhali arasında mütəmadi kütləvi maarifləndirmə tədbirlərinin keçirilməsinə, yanğına qarşı tələbləri özündə əks etdirən çoxsaylı çağırışlara baxmayaraq, təəssüflə qeyd edilməlidir ki, yanğın hadisələri bəzi vətəndaşların odla ehtiyatsızlıq, siqaret çəkilməsi zamanı ehtiyatsızlıq, o cümlədən, ərazilərdə iməcilik adı altında tullantıların yandırılması, məişət tullantılarının yandırılması, hərəkət iştirakçıları tərəfindən avtomobildən siqaret kötüyünün söndürülməmiş halda ətrafa atılması kimi səbəblərdən baş verib.

Eyni zamanda bildirilib ki, cari ildə 7 meşə yanğını baş verib. Yanğınların təhqiqatı aparılaraq nəticələrinə uyğun hadisələrin rəsmi statistik uçota daxil edilməsi istiqamətində hazırda tədbirlər görülməkdədir.

Meşə yanğınları ərazidən istifadə edən turistlər, qonaqlar və başqalarının təsiri ilə bağlıdır. Meşə yanğınlarının çox hissəsinin baş verdiyi sahələr mürəkkəb relyefli və çətin keçidli dağlıq ərazidə olduğundan hadisə yerinə yanğın texnikalarının yaxınlaşmasında yaranan çətinliklər meşə yanğınlarının vaxtında söndürülməsinə ciddi təsir göstərir", - nazirlikdən qeyd edilib.

 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.