Hadisə

Tanınmış yazıçı vəfat etdi

31 Dekabr 2024 17:42
Baxış: 2 202
VTB-də minimal faiz dərəcəsi ilə nağd kredit 9.9%-dən
#HADİSƏ #CƏMİYYƏT #YAZIÇI

Tanınmış nasir, Azərbaycan Yazıçılar birliyinin üzvü Əlisahib Əroğul (İsrafilzadə) vəfat edib.

Bu barədə yazıçının yaxınları məlumat verib.

Əlisahib Əroğul 1948-ci il sentyabr ayının 10-da Cəbrayıl rayonunun Dağtumas kəndində anadan olub. 1966-1971-ci ildə Bakı Dövlət Universitetinin Mexanika-riyaziyyat fakültəsinin mexanika şöbəsində təhsil alıb. 1976-cı ildə isə Marksizm-Leninizm Universitetinin iqtisadiyyat fakültəsini bitirib.

Qarabağ müharibəsi veteranıdır.

Əmək fəaliyyətinə inşaatçı fəhlə kimi başlayıb. Sonra elmi işçi, müəllim, məktəb direktoru işləyib. 23 avqust 1993-cü ildə Cəbrayıl şəhəri işğal olunarkən ev-eşiyindən didərgin salınıb.
1993-1996-cu illərdə Azərbaycan Aqrar Ekologiya İnstitutunda prorektor, baş müəllim, Azərbaycan Kənd Təsərrüfatı Akademiyasında böyük mühəndis, 1996-2000-ci illərdə Gəncə Gil-Torpaq İB-də iqtisadçı-mühəndis vəzifələrində çalışıb. 1994-2006-cı illərdə ictimai əsaslarla "Ekologiya" nəşriyyatının direktoru olub..

O, bir sıra publisistik yazıları ilə respublika mətbuatında çıxış edib. Ə.Əroğul bədii yaradıcılığa 80-ci illərindən başlayıb. "Osmanoğlu" adlı ilk mətbu hekayəsi 1989-cu ildə "Ulduz" jurnalında dərc edilib. 1990-cı ildə "Karvan" jurnalında "Dəli Salatın" povesti, 1991-ci ildə "Ulduz" jurnalında "Ovçu Cəbrayılın tulaları" hekayəsi çap edilib. 1991-ci ildə "Gənclik" nəşriyyatının buraxdığı "Mənim fikrim" kitabında "Göz görür, ağıl kəsirsə" publisist yazısı dərc olunub.  24 kitab müəllifidir. /Modern.az

Allah rəhmət eləsin.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.