Hadisə

Bakıda restoranda dava: Həbs olunan var

28 Noyabr 2024 00:09
Baxış: 1 385
VTB-də minimal faiz dərəcəsi ilə nağd kredit 9.9%-dən
#DAVA

Bakı şəhəri, Nizami rayonu, Qara Qarayev prospekti ərazisində yerləşən restoranlardan birində dava düşüb.

Milli.Az qaynarinfo-ya istinadən xəbər verir ki, restoranda dava salanlardan biri kişi, digəri isə qadın olub.

Bu səbəbdən 2002-ci il təvəllüdlü A.S. saxlanılıb. Onun barəsində İnzibati Xətalar Məcəlləsinin 510 və 535.1 maddəsi ilə protokol tərtib edilib, iş məhkəməyə göndərilib.

Dava zamanı restoranının şüşələri sınıb və bir sıra əmlaklarına ziyan dəyib. Dava ad günü şənliyində olub. Belə ki, A.S. dostunun dəvəti ilə sözügedən restoranda ad günü tədbirində iştirak edib. Təqsirləndirilən şəxs orada viski içib və digər masada olan R.T. adlı qadından nalayiq ifadə eşidib. Həmin ifadələrin onun ünvanına deyildiyini zənn edərək, onunla mübahisə edib. Mübahisə daha sonra davaya çevrilib. Tərəflər restoranın həyətində də mübahisələrini davam etdiriblər. A.S. əsəbindən tanımadığı şəxsin nəqliyyat vasitəsini yumruq və təpiklə vurmağa başlayıb.

Məhkəmədə ifadə verən restoranın administratoru M.F. hadisə zamanı əmlaka ziyan vurulduğunu deyib. Məhkəmənin qərarı ilə təqsirləndirilən şəxs 8 gün müddətinə həbs olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.