Hadisə

Bakıda ağır qəza - ölən və xəsarət alanlar var

10 Noyabr 2024 00:38

Baxış: 1 721

VTB-də minimal faiz dərəcəsi ilə nağd kredit 9.9%-dən

#QƏZA

Aeroport şossesində üç avtomobilin toqquşması nəticəsində bir nəfər ölüb, beş nəfər xəsarət alıb.

Milli.Az APA-ya istinadən bildirir ki, hadisə aeroport şossesinin Sabunçu rayonu ərazisinə düşən hissəsində qeydə alınıb.

Piyada 1963-cü il təvəllüdlü Nəsibov Emin Əziz oğlu şossedə əks tərəfə keçmək istəyərkən onu "Range Rover" markalı avtomobil vurub.

Eyni istiqamətdə olan "Fiat" markalı nəqliyyat vasitəsi "Range Rover" markalı maşına çırpılıb. Qəza nəticəsində "Fiat" markalı maşında olan sərnişin 26 yaşlı Hacızadə Asim Natiq oğlu avtomobildən çıxaraq yola düşüb. Zərbənin təsirindən o, ölüb.

Qəza nəticəsində avtomobillərdə olan sərnişinlər Seymur Sultanov, Tamella Sultanova, Günay Yusifova və İlkin Novruzlu müxtəlif bədən xəsarətləri alaraq xəstəxanaya yerləşdirilib.

Həkimlərin verdiyi məlumata görə, qəza nəticəsində ağır xəsarət alan piyada E.Nəsibovun vəziyyəti ağırdır.

Faktla bağlı avtotexniki ekspertiza təyin edilib.

Milli.Az
Xəbərlərimizi WhatsApp kanalımızdan da oxuyun