Hadisə

Təcili yardım maşını üç ağır xəstəni eyni vaxtda aparıb? - VİDEO

6 Noyabr 2024 22:17
Baxış: 1 511
VTB-də minimal faiz dərəcəsi ilə nağd kredit 9.9%-dən
#VİDEO

Göyçayda fəaliyyət göstərən təcili yardım maşını ilə bağlı sosial şəbəkələrdə videogörüntü yayılıb. Videoda vətəndaş təcili yardım maşınında eyni anda üç ağır xəstənin aparılmasından gileylənib.

Məsələ ilə bağlı Tibbi Ərazi Bölmələrini İdarəetmə Birliyinə (TƏBİB) sorğu ünvanladıq.

Milli.Az xəbər verir ki, qurumdan Oxu.Az-ın sorğusuna cavab olaraq bildirilib ki, noyabrın 4-də saat 13:00-da Göyçay Rayon Mərkəzi Xəstəxanasının göndərişinə əsasən, iki pasiyentin Bakı şəhərində yerləşən tibb müəssisələrinə aparılması ilə bağlı çağırış icra olunub:

"Həmin pasiyentlərdən biri travmatoloji xəstə olduğu üçün arxa salonda xərəkdə uzanmış vəziyyətdə yerləşdirilib, digər pasiyentdə isə klaustrofobiya (qapalı məkan qorxusu) olduğuna görə avtomobilin arxa salonunda oturmaqdan imtina edib və istisna hal olaraq ön oturacaqda əyləşib.

Qeyd edək ki, bu ambulanslar bir oturaq və bir uzanıqlı pasiyentin köçürülməsi üçün komplektasiyaya malikdir.

Onu da bildiririk ki, hər iki pasiyentin həyati təhlükəsi olmayıb və yolboyu müvafiq tibbi yardım göstərilərək, göndərişlərinə uyğun Bakı şəhərindəki tibb müəssisələrinə yerləşdirilib".

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.