Texnologiya

İnternetin beynimizə qorxulu təsirləri

16 İyun 2019 19:15
0 Şərh     Baxış: 750
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İnternetdən həddindən çox istifadə diqqətin cəmləşmə müddətinin azalmasına və yaddaşın pisləşməsinə gətirib çıxarır.

Milli.Az Sputnik Azərbaycan-a istinadən xəbər verir ki, internetin insanın psixi salamlığına və zehni bacarıqlarına təsirinə dair onlarla elmi işi analiz etmiş Oksford və Harvard universitetlərinin, London Kral Kollecinin və Qərbi Sidney Universitetinin alimlərindən ibarət tədqiqat qrupu bu nəticəyə gəlib.

İnternetdə işləyərkən ekranda peyda olan bildirişlər, mesajlar, endirim təklifləri və digər diqqəti yayındıran faktorlar beynin fəaliyyətinə bir-başa təsir edir. Xüsusilə də onlayn şoppinqdən sonra diqqəti cəmləmək qabiliyyəti zəifləyir. Lakin internetdən kənar fəaliyyət, məsələn kağız jurnal oxumaq belə bir təsir göstərmir.

"İnternetdən gələn sonsuz sorğu və bildiriş axını bizi diqqətimizi parçalamağa məcbur edir. Bu isə öz növbəsində diqqəti bir iş üzərində cəmləmək qabiliyyətimizi zəiflədə bilər", - Qərbi Sidney Universitetinin böyük elmi işçisi Cozef Fert deyib.

Onun sözlərinə görə, onlayn rejimdə bir işdən digərinə daim fikri yönəltmək üçün daha çox zehni güc sərf etmək lazım olur.

Digər bir risk onunla bağlıdır ki, internet artıq "xarici yaddaş"a çevrilir: insanlar informasiya mənbəyi kimi smartfona daha çox güvənirlər.

Lakin insan tapılmış informasiyanı yox, onu harada tapdığını daha yaxşı yadda saxlayır. Məsələn, tədqiqatlardan birinin iştirakçıları informasiyanı kağız ensiklopediyaya nisbətən internetdə daha tez tapıblar, lakin oxunmuş məlumatı yadda saxlaya bilməyiblər.

Bundan başqa, internet insanların özlərini aldadaraq olduqlarından daha ağıllı hiss etmələrinə səbəb olur.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.