Texnologiya

Dünyanın ilk pilotsuz taksi servisi İSTİFADƏYƏ VERİLDİ - VİDEO

8 Dekabr 2018 15:49
2 Şərh     Baxış: 1 718

Google şirkəti daxilində bir layihə kimi başlamış, pilotsuz avtomobillərin hazırlanmasına 10 il vaxt sərf etmiş və daha sonradan onların il yarım ərzində testini aparmış Waymo şirkəti sonunda dünyanın ilk kommersiya məqsədli pilotsuz taksi servisini istifadəyə verir.

Milli.Az Technote-a istinadən bildirir ki, şirkətin pilotsuz taksi servisi Waymo One adlanır. Bir neçə müddət bundan öncə şirkət söz vermişdi ki, özünün pilotsuz taksi servisini bu ilin sonuna kimi istifadəyə verəcək. Nəticədə şirkət öz sözünü tutdu.

Buna baxmayaraq dünyanın ilk pilotsuz taksi servisi hələki çox az sayda insanlar üçün istifadəyə verilib. Qeyd etmək lazımdır ki, 2017-ci ilin aprel ayından şirkət öz pilotsuz avotmobillərini könüllü sərnişinlər arasında test edirdi. Həmin test səyahətlərində insanlar pulsuz şəkildə taksi servisindən istifadə edir və bu xidmətin daha da təkmilləşdirilməsi üçün şirkətə öz tövsiyyələrini verirdilər. İndi isə həmin sərnişinlər şirkətin pilotsuz taksilərini ödənişli şəkildə sifariş edə bilərlər.

Waymo şirkətinin rəhbəri John Krafcik söz verib ki, müəyyən müddətdən sonra servis daha çox insana öz xidmətlərini təqdim edəcək. Bu, şirkətin daha çox avtomobil əldə edəcəyi vaxtda baş verəcək. John Krafcik bunun nə zaman olacağı barəsində dəqiq bir məlumat verməyib. Hal hazırda şirkətin Chrysler Pacifica markalı pilotsuz taksiləri Arizona ştatının paytaxtı Feniks şəhərində və onun ətraf ərazilərində fəaliyyət göstərirlər. Qeyd etmək lazımdır ki, taksilərin tamamilə avtomatlaşdırılmış sistemə sahib olmalarına baxmayaraq indiki mərhələdə avtomobillərin ön oturacağında hər ehtimala qarşı real sürücü oturur. O, ekstremal vəziyytdə idarəetməni öz üzərinə götürə bilər. Bununla yanaşı ştatın hakimiyyəti yaxın zamanda taksilərə sürücüsüz fəaliyyət göstərməyə icazə verməyi planlaşdırır.

Milli.Az

Videonu izləmək üçün şəklə klikləyin:
Waymo şirkəti dünyanın ilk pilotsuz taksi servisini istifadəyə verdi

loading...

Şərh yaz:

2 Şərh:

  • Anonim
    Tata · 8 Dekabr 17:1000

    Belə getsə hec bir yerdə insana ehtiyac olmyacaq

    Cavab yaz
  • Anonim
    Taksi · 8 Dekabr 17:3000

    Bizdə olsa əla olar Taksi şirkətləri qəpik söhbəti baglanar Bezdik uje nə qədər taksi şirkəti olar

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.