Texnologiya

Uçan avtomobillər satılacaq - VİDEO

16 Fevral 2017 07:31
1 Şərh     Baxış: 1 873

"PAL-V" şirkəti öz vədinə sadiq qalaraq uçan avtomobil istehsal edib. Çoxsaylı uğurlu sınaq uçuşlarından, ABŞ və Avropa avtomobil və aviasiya standartlarına aid bütün problemlərin həllindən sonra şirkət "PAL-V Liberty" uçan avtomobillərinə ilkin sifarişlərin qəbuluna başladığını elan edib.

Milli.Az ICTnews-a istinadən bildirir ki, "PAL-V Liberty" uçan avtomobili üçtəkərli avtomobil və vertolyotun birgə hibrididir. Avtomobilin içərisində ikiqat güc transmissiyası əsasında yaradılmış "Rotax" mühərriki qurulub: mühərriklərdən biri yollarda hərəkət üçün, digəri isə uçuşlar zamanı istifadə olunur.

Avtomobil rejimində vint korpusun daxilində gizlədilir, qanadların yığılmasına baxmayaraq,  üst hissədə görsənir. Bu rejimdə mühərrik saatda 160 km sürətlə hərəkət edə bilir.

Sürücü uçmazdan öncə avtomobili hazırlamalıdır. İstehsalçıların məlumatına görə, bütün bu prosesə 5-10 dəqiqə vaxt sərf olunur. Vertolyot rejimində mühərrik saatda 180 km sürətlə uçur. Maksimum uçuş hündürlüyü 3500 metrdir.

Şirkət "PAL-V Liberty" uçan avtomobilinin ilk versiyalarını təxminən 600 min dollar satmağı planlaşdırır. Ancaq təxminən 1 il sonra çıxarılacaq "Sport" modelinin dəyəri 400 min dollar təşkil edəcək.

Milli.Az

Digər maraqlı xəbərlər Milli.Az-ın Facebook səhifəsində

Videonu izləmək üçün şəklə klikləyin:

Uçan avtomobillər satılacaq

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

1 Şərh:

  • Anonim
    * · 16 Fevral 12:4900

    BİZİM ÜCÜN ƏLCATMAZ RƏQƏM

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.