Texnologiya

"Apple" "OpenAI" şirkətini məhkəməyə verdi

12 İyul 2026 13:00

Baxış: 391

VTB-də minimal faiz dərəcəsi ilə nağd kredit 9.9%-dən

#MƏHKƏMƏ #SOSİAL ŞƏBƏKƏLƏR #APPLE

"Apple" şirkəti kommersiya sirlərinin mənimsənilməsində ittiham edərək "OpenAI"yə qarşı məhkəmə iddiası qaldırıb.

Milli.Az oxu.az-a istinadən xəbər verir ki, bu barədə "The New York Times" məlumat yayıb.

"iPhone" istehsalçısı qeyd edib ki, "OpenAI" "Apple"da işləmiş şəxslərdən məxfi layihələrin təfərrüatını açıqlamağı, həmçinin müsahibələrə cihaz komponentlərini və prototipləri gətirməyi xahiş edib.

"Apple" keçmiş işçisi Çan Lyunu "OpenAI"də işlədiyi müddətdə texniki sənədlərə giriş əldə etmək və onları yükləmək üçün keçmiş həmkarının notbukundan istifadə etməkdə günahlandırıb. Şirkətin bəyanatına əsasən, Lyu, həmçinin həmkarına müsahibələrdən əvvəl hələ elan edilməmiş məhsullar haqqında hansı məlumatları öyrənməli olduğunu göstərib. Bundan əlavə, iddiada qeyd olunur ki, sabiq əməkdaş işdən çıxarkən qaytarmadığı notbuk vasitəsilə daxili sənədlərə daxil olmağı planlaşdırıb.

İddia ərizəsinə görə, fevral ayında "Apple" "OpenAI"a məktub göndərərək məxfi məlumatların qarşı tərəfin "fəaliyyət sahəsinə yersiz şəkildə düşə biləcəyi" ilə bağlı narahatlığını bildirib, lakin buna heç bir cavab almayıb.

"OpenAI" isə bu ittihamları rədd edib. Şirkətin nümayəndəsi Dryu Pusateri bildirib, başqa şirkətlərin kommersiya sirləri ilə maraqlanmırlar.

"Biz hələ də bütün dünyada insanların imkanlarını genişləndirən innovativ texnologiyaların yaradılmasına diqqət yetiririk", -deyə o bildirib.

Müəllif: Tural Hüseyn (Milli.Az redaktor)