Texnologiya

5 il sonra 300 milyon insan işsiz qalacaq

3 Oktyabr 2025 14:39

Baxış: 2 275

VTB-də minimal faiz dərəcəsi ilə nağd kredit 9.9%-dən

#DÜNYADA #TEXNOLOGİYA

2030-cu ilə qədər süni intellekt 300 milyon iş yerini əvəz edə bilər.

Milli.Az xəbər verir ki, bu barədə "Hi-Tech Anatomy" şirkətinin rəhbəri, AI üzrə ekspert Sergey Jürravlev açıqlamasında bildirib.

Süni intellekt (AI) sürətlə hər hansı alqoritmik əsaslı peşələri mənimsəyir və bu tendensiyalar nəzərə alınsa, 2030-cu ilə qədər o, dünyada əmək bazarının 9%-ni əhatə edərək 300 milyon peşədən insanları sıxışdıracaq.

Süni intellekt yaxın gələcəkdə əmək bazarını köklü şəkildə dəyişdirəcək və insan əməyinin daha çox yaradıcılıq və strateji qabiliyyət tələb edən sahələrə yönəlməsinə səbəb olacaq.

"Primitiv əmək yox olacaq, daha çox yaradıcılıq və innovasiya tələb edən peşələr qalacaq".

Ekspert bildirib ki, sadə alqoritmik əməliyyatları yerinə yetirən peşələr süni intellekt tərəfindən sürətlə əvəz olunacaq. Bu kateqoriyaya mühasiblər, hüquqşünaslar, kassirlər, katiblər daxildir. Jürravlev vurğulayıb ki, standart işlərin AI-yə verilməsi çox sürətlidir.

"Yaxın gələcəkdə sürücülərə də gərək qalmayacaq, çünki avtonom nəqliyyat vasitələri artıq yollara çıxarılır. Bu prosesdə xüsusilə ABŞ-da texnologiya lideri İlon Maskın təşəbbüsləri önəmli rol oynayır".

Ekspert qeyd edib ki, bu, yüz minlərlə insanın işsiz qalması deməkdir və dünyanı ciddi sosial-iqtisadi inqilabın astanasına gətirir.

İslam
Milli.Az