Texnologiya

Çin qlobal internetə çıxış üçün ilk addımı atdı

6 İyun 2025 15:11
Baxış: 1 669
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Çin hökuməti Haynan əyalətində qlobal internetə çıxışı qismən təmin etmək məqsədilə yeni pilot layihəyə start verib.

Milli.Az xəbər verir ki, "South China Morning Post"un yaydığı məlumata görə, Haynan adasında qeydiyyatdan keçmiş şirkətlər artıq internet məhdudiyyətlərini keçmək üçün rəsmi müraciət edə biləcəklər.

Bu proses Beynəlxalq Məlumat Xidmətləri Mərkəzi (HIDCSC) vasitəsilə həyata keçiriləcək.

Layihə çərçivəsində müraciəti təsdiqlənmiş istifadəçilərə Çində adətən bloklanan beynəlxalq internet resurslarına giriş imkanı yaradılacaq. Məlumata görə, giriş üçün şirkətin fəaliyyət sahəsi və ölçüsünə dair ciddi meyarlar tətbiq olunmayıb. Bu isə təşəbbüsə marağın artmasına səbəb olub.

Bununla belə, bəzi beynəlxalq saytlara girişin hələ də bloklu qalacağı istisna edilmir. Rəsmilər bu resursların adlarını açıqlamayıb.

Qeyd edək ki, Haynan əyalətində qlobal internetə çıxışla bağlı ideya ilk dəfə 2018-ci ildə gündəmə gəlmişdi. Həmin vaxt əraziyə daha çox xarici turist cəlb etmək üçün "Twitter", "Facebook" və "YouTube" kimi platformalara girişin mümkünlüyü müzakirə olunmuş, lakin layihə müxtəlif səbəblərdən reallaşmamışdı.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.