Texnologiya

"OpenAI" "Google Chrome"u almağa hazırdır - TƏFƏRRÜAT

24 Aprel 2025 09:25
Baxış: 2 601
VTB-də minimal faiz dərəcəsi ilə nağd kredit 9.9%-dən
#MARAQLI #AMERİKA #TEXNOLOGİYA #GOOGLE #ABŞ #CHATGPT

"ChatGPT"nin yaradıcısı olan "OpenAI" şirkəti, əgər federal məhkəmə "Google Chrome" brauzerinin məcburi satışına qərar versə, onu almağa hazır olduğunu bildirib.

Milli.Az xəbər verir ki, bu barədə "Bloomberg" məlumat yayıb.

Məlum olanlar

ABŞ Ədliyyə Nazirliyi "Google"a qarşı aparılan antitrest işi çərçivəsində "OpenAI"nin məhsul rəhbəri Nik Törlini ifadə verməyə çağırıb. Törli bildirib ki, hazırda "ChatGPT" üçün "Chrome" uzantısı mövcuddur, lakin daha dərin inteqrasiya nəticəsində məhsulun keyfiyyəti əhəmiyyətli dərəcədə arta bilər.

Onun sözlərinə görə, baxmayaraq ki, "ChatGPT" artıq "Apple" "iPhone"larına inteqrasiya olunmaq üçün razılıq əldə edib, "Android" smartfon istehsalçıları ilə danışıqlarda çətinliklərlə üzləşiblər.

"Google"un üstünlüyü və bazar nəzarəti

Törli həmçinin vurğulayıb ki, "Google" yanvar ayından etibarən "Samsung" ilə müqavilə bağlayaraq onun süni intellekt xidməti olan "Gemini"nin smartfonlara əvvəlcədən quraşdırılması üçün ödənişlər etməyə başlayıb. Bu razılaşma formal olaraq digər şirkətlərlə əməkdaşlığı qadağan etməsə də, "OpenAI" bu danışıqlarda nəzərəçarpacaq irəliləyiş əldə etməyib.

Onun sözlərinə görə, "Google" kimi böyük texnoloji nəhənglər əsas platformalar - brauzerlər və axtarış sistemləri üzərində nəzarəti ələ almaqla bazarı qapada və istifadəçilərin seçim azadlığını məhdudlaşdıra bilər.

"OpenAI"ın xəbərdarlığı

"OpenAI" hesab edir ki, "Chrome" brauzerinin məcburi satışı ehtimalı istehlakçılara zərər verə və ABŞ-nin qlobal texnologiya yarışında mövqeyini zəiflədə bilər.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.