Texnologiya

"Google" "Kəşf et" lentini masaüstünə gətirir

10 Aprel 2025 11:26
Baxış: 1 521
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #GOOGLE

"Google", uzun müddətdir mobil cihazlarda təqdim etdiyi "Google Discover" xüsusiyyətini masaüstü ana səhifəsinə gətirməyə hazırlaşır.

Milli.az xəbər verir ki, tədbirdə çıxış edən "Google" səlahiyyətliləri, bu mühüm elanı İspaniyanın paytaxtı Madriddə keçirilən Search Central Live tədbirində rəsmi olaraq açıqlayıb.

Bu açıqlama "X" sosial media platformasında da iştirakçılar tərəfindən paylaşılıb. Yazılara əsasən, funksiya bəzi istifadəçilər üçün aktivləşdirilib.

Qeyd edək ki, illərdir mobil cihazlarda aktiv şəkildə istifadə edilən bu funksiya istifadəçilərə onları maraqlandıra biləcək məzmuna axtarış etmədən daxil olmaq imkanı verir.

Masaüstünə gələcək "Google Discover" xüsusilə xəbər saytları, bloggerlər və məzmun yaradıcıları üçün yeni trafik mənbəyi ola bilər. Digər tərəfdən, "Google"un bu funksiyanı tam olaraq nə vaxt aktivləşdirəcəyi hələlik məlum deyil. Lakin elanda bu keçidin yaxın gələcəkdə baş verəcəyi bildirilir.

İlqar Şabanov
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.