Texnologiya

SpaceX insanabənzər robotunu Marsa göndərəcək!

17 Mart 2025 13:16
Baxış: 1 122
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"SpaceX"in qurucusu İlon Mask şirkətin nəhəng kosmik gəmisi "Starship"in 2026-cı ilin sonunda Marsa yola düşəcəyini açıqlayıb. 

Milli.Az xəbər verir ki, bu missiyada təkcə kosmik gəmi yoxlanılmayacaq, "Tesla"nın insanabənzər robotu "Optimus" da "Starship" ilə Marsa göndəriləcək. 

İ.Mask, "Optimus"un bu səyahətdə bir sınaq prosesindən keçəcəyini və gələcəkdə Mars koloniyalarında mühüm rol oynaya biləcəyini ifadə edib.
İnsanların Marsa enməsi üçün 2029-cu il gözlənilsə də, planlar gözlənildiyi kimi inkişaf edərsə, 2031-ci il daha çox ehtimal edilir. Bu inkişaf göstərir ki, İ.Maskın çoxdankı Marsı koloniyalaşdırmaq məqsədi konkret addımlara çevrilməyə başlayır.

"Optimus"un Mars missiyasına daxil edilməsi "SpaceX"in Qırmızı Planetdə dayanıqlı yaşayış məntəqəsi yaratmaq planlarının bir hissəsi kimi qəbul edilib. İ.Mask, insanabənzər robotların əvvəlcə yalnız "Tesla" zavodlarında istifadə ediləcəyini açıqladı. İndi bu robotlar Mars missiyalarında ağır iş yüklərini götürməyə hazırlaşır.

Digər tərəfdən, ABŞ-ın Marsa insan göndərməyi milli prioritet etdiyi təqdirdə "SpaceX" layihələrinin sürət qazana biləcəyi deyilir. Lakin ABŞ prezidenti Donald Tramp bu yaxınlarda verdiyi açıqlamada Marsın onun üçün prioritet olmadığını bildirib.

Qeyd edək ki, "Starship"in Marsa çatmaq məqsədi təkcə planeti müstəmləkə etmək yolu kimi deyil, həm də "SpaceX"in kosmik sektorda mövqeyini gücləndirmək strategiyasının bir hissəsi kimi qəbul edilir.

İlqar Şabanov
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.