Texnologiya

Çin “ChatGPT”ni üstələyən yeni proqram yaratdı

27 Yanvar 2025 13:33
Baxış: 4 760
VTB-də minimal faiz dərəcəsi ilə nağd kredit 9.9%-dən
#MARAQLI #TEXNOLOGİYA #SÜNİ İNTELLEKT

Çinin "DeepSeek" startapının ağıllı köməkçisi bazar ertəsi "ChatGPT"ni üstələyərək ABŞ, Böyük Britaniya və Birləşmiş Ərəb Əmirliklərində "Apple" şirkətinin "App Store" mağazasında ən yüksək reytinqli pulsuz tətbiqə çevrilib.

Milli.Az xarici mediaya istinadla xəbər verir ki, "Sensor Tower" tədqiqat şirkətinin məlumatına görə, "DeepSeek-V3" modeli ilə təchiz edilmiş bu süni intellekt proqramı açıq mənbəli modellər arasında lider mövqeyindədir və ən qabaqcıl qapalı mənbəli modellərlə rəqabət aparır.

Dünyanın ən böyük mənbə kodu platformasının yanvarın 10-da istifadəyə verilməsindən sonra ABŞ istifadəçiləri arasında onun populyarlığı sürətlə artıb.

Bu inkişaf "DeepSeek"in Silikon vadisinə dərin təsirini vurğulayır və ABŞ-ın süni intellekt sahəsindəki liderliyi ilə bağlı geniş yayılmış fikirləri dəyişdirə bilər.

Keçən ay yayımlanan hesabatda "DeepSeek" tədqiqatçıları bildiriblər ki, "DeepSeek-V3" modeli təlim üçün "Nvidia H800" çiplərindən istifadə edir və bu prosesin ümumi dəyəri 6 milyon dollardan azdır.

Yeni versiyanın buraxılmasından sonra Qərb sosial şəbəkələrində proqram geniş müzakirələrə səbəb olub. İstifadəçilər onun "ChatGPT"nin ən son versiyası ilə müqayisə edilə biləcək keyfiyyətə sahib olduğunu, lakin tamamilə pulsuz qaldığını vurğulayırlar.

Amerikalı investor, 40 milyard dollardan çox aktivləri idarə edən vençur fondu rəhbəri Marc Andreessen "DeepSeek-R1"i peşəkar karyerasında "ən heyrətamiz və təsiredici irəliləyiş" adlandırıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.