Süni intellektin yeni kəşfi bəşəriyyəti MƏHV EDƏCƏK

"OpenAI"da daxili münaqişə bir neçə tədqiqatçının şirkətin insan zəkasını üstələyə biləcək ən son inkişafının yaratdığı potensial təhlükə barədə xəbərdarlıq etdikdən sonra yeni ölçülər aldı.

Milli.Az lent.az-a istinadən bildirir ki, bu barədə "Reuters" xəbər verir.

"OpenAI"nin baş direktoru Sem Altman vəzifəsindən kənarlaşdırılmazdan əvvəl bir neçə tədqiqatçı direktorlar şurasına məktub göndərərək, bəşəriyyət üçün təhlükə yarada biləcəyinə inandıqları güclü süni intellektin (AI) kəşfi ilə bağlı mümkün risklər barədə xəbərdarlıq ediblər.

Məktub çoxsaylı şikayətlərə səbəb olub və Altmanın müvəqqəti olaraq baş direktor vəzifəsindən uzaqlaşdırılması ilə nəticələnib. Bununla belə, "OpenAI" işçilərinin aktiv dəstəyindən və rəhbərliyə müraciətindən sonra Altman öz vəzifəsinə bərpa edilib.

"Reuters"in məlumatına görə, "Q" adı ilə tanınan yeni layihə süni ümumi intellekt (AGI) sahəsində irəliləyiş olmaq potensialına malikdir. "Q" hazırda ibtidai məktəb səviyyəsində riyaziyyat tapşırıqlarını yerinə yetirmək qabiliyyətinə malik olsa da, tədqiqatçılar onu müxtəlif iqtisadi cəhətdən vacib sahələrdə insanları üstələyə bilən muxtar sistemə çevrilmək potensialına malik olduğunu görürlər.

Q*-un əsas fərqləndirici cəhətlərindən biri onun məqsədlər qoymaq, mürəkkəb prosesləri təhlil etmək, müxtəlif problemləri həll etmək və müxtəlif sahələrdən konteksti nəzərə almaq bacarığıdır. Bu, ona müxtəlif sahələrdə yüksək ixtisaslı mütəxəssisləri əvəz etmək, onların bilik və təcrübələrini üstələmək potensialı verir.

Tədqiqatçılar riyaziyyatın generativ süni intellektin (GPT) inkişafında mühüm addım olduğunu vurğulayıblar. Q* indi riyazi problemləri uğurla həll edir ki, bu da daha geniş tətbiqlər, o cümlədən yeni elmi tədqiqatlar üçün perspektivlər açır.

"Süni intellekt alimləri" tədqiqat qrupunun üzvlərinin narahatlığına cavab olaraq OpenAI Q* layihəsinin mövcudluğunu təsdiqləyib. Bu qrup mövcud süni intellekt modellərini optimallaşdırmaq, onların düşüncə və bacarıqlarını təkmilləşdirmək üçün çalışır.

ChatGPT-nin transformasiya səylərinə rəhbərlik edən Sam Altman kənara çəkildikdən sonra CEO olaraq geri döndü. Onun "böyük nailiyyətlər az qala" vədi son hadisələr fonunda maraq yaratmağa davam edir.

Milli.Az

Xəbərlərimizi WhatsApp kanalımızdan da oxuyun