Üç uşaq anası bədbəxt hadisə nəticəsində ağır xəsarət alıb

Şəkidə gilas ağacından yıxılan üç uşaq anası ağır xəsarət alıb.

Milli.Az APA-ya istinadən bildirir ki, bu gün günorta saat 16 radələrində rayonun Baş Zəyzid kənd sakini 1990-cı il təvəllüdlü Aygün Hidayət qızı Camalova aşağı ətrafların iflici xəsarəti ilə Şəki Mərkəzi Rayon Xəstəxanasına (MRX) daxil olub.

MRX-dan bildirilib ki, müayinə zamanı üç uşaq anası olan Aygün Camalovanın yaşadığı ünvanda gilas yığarkən ağacdan yıxılması məlum olub.

Aygün Camalovaya ilkin tibbi yardım göstərildikdən sonra müayinə və müalicəsini davam etdirmək üçün Bakı şəhərindəki xəstəxanalardan birinə göndərilib.

Milli.Az