Vüqar Qurbanov onu baş həkim təyn etdi

Sabunçu Tibb Mərkəzinin tabeliyindəki Maştağa Xəstəxanasına yeni baş həkim təyin edilib.

Milli.Az xəbər verir ki, bu barədə Tibbi Ərazi Bölmələrini İdarəetmə Birliyinin (TƏBİB) icraçı direktoru Vüqar Qurbanov əmr imzalayıb.

Əmrə əsasən, Namiq Nəbiyev sözügedən vəzifəyə gətirilib.

Məlumata görə, Sabunçu Tibb Mərkəzinin direktoru Nurəngiz Bəşirova bu gün xəstəxanaya gedib və yeni baş həkimi kollektivə təqdim edib.

Qeyd edək ki, Namiq Nəbiyev uzun illər Sabunçu Tibb Mərkəzinin Yoluxucu xəstəliklər şöbəsinin müdiri, həkim-infeksionist kimi fəaliyyət göstərib. /Modern.az

Milli.Az