Sağlamlıq

Bu məhsullar çox yeməyə və çəkinin artmasına səbəb olur

26 May 2019 18:51
0 Şərh     Baxış: 1 017

Əsaslı emal olunmuş məhsullar çox yeməyə və çəkinin artmasına gətirib çıxarır.

Milli.Az Sputnik Azərbaycan-a istinadən bildirir ki, bu fakt eksperiment yolu ilə təsdiq edilib. İyirmi könüllü bir ay ərzində öz rasionuna və qidalanmasına nəzarət edib. Əsaslı emal olunmuş məhsullar yeyən könüllülər gün ərzində 508 kalori artıq qəbul ediblər. Bu da 1 kiloqram artıq çəkiyə bərabərdir.

Görünür, həmin məhsullar doyma və acma hissini tənzimləyən hormonlara təsir göstərib. Sağlam qida yeyiləndə az kalori qəbul edilsə də, acma hissini aradan qaldıran hormonların səviyyəsi artır. Bundan əlavə, acma hormonunun - qarelinin səviyyəsi düşür. Bu, əsaslı emal edilmiş məhsulların təhlükəli olduğunu əyani göstərən ilk tədqiqatdır.

Eksperiment çərçivəsində könüllülərin rasionu dəyişdirilib. Bununla belə, bütövlükdə yeməyə və kaloriyə heç bir məhdudiyyət qoyulmayıb. Lakin istər əsaslı emal edilmiş məhsullar yeyən əsas qrupun, istərsə adi məhsullar yeyən nəzarət qrupunun rasionları yağ, sellüloz və şəkərin miqdarına görə fərqlənməyib.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.