Sağlamlıq

Böyrək vərəmi - Belə xəstə mütəmadi olaraq...

14 Mart 2019 17:59
0 Şərh     Baxış: 1 880
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Böyrək vərəmi insan orqanizminə hematogen yolla ağciyər və limfa düyünləri ilə yoluxur. Limfa düyünləri ilə qana keçmiş mikrobakteriyalar böyrəyi zədələyir. Hər iki böyrəyin qabıq maddəsində də vərəm ocaqları yaranır. Vərəm xəstəliyinin ən dirəncli mikrobunun "Mycobacterium tuberculozis"ə böyrək və sidik yollarında da rast gəlinməsi mümkündür. Vərəm virusları bədən müqaviməti, immun sistemi zəif olan xəstələrdə daha çox rast gəlinir. Xəstəlik kişilərdə daha çox aşkarlanır. Buna səbəb kişilərin zərərli vərdişlərinin çox olmasıdır. Böyrək vərəminə adətən 40 yaşdan sonra rast gəlmək mümkündür.

Böyrək vərəminə yoluxan xəstənin şikayətləri digər böyrək xəstəliklərindəki kimi eyni olur. Xəstə sidikdə qan izi görə, onun bədən hərarəti yüksələ bilər. Xəstələr şikayətləri müşahidə etdikləri anda həkimə müraciət etməlidirlər. Mütəxəssis həkim tərəfindən aparılan bir neçə müayinədən sonra daha dəqiq diaqnozun qoyulması mümkündür.

Milli.Az bildirir ki, bu barədə AZƏRTAC-a Mərkəzi Neftçilər Xəstəxanasının həkim-nefroloqu Aynur Əzizova məlumat verib.

Həkim-nefroloq bildirib ki, səbəbsiz sidik ifrazı pozuntuları, sidiyin bakterioloji analizində təsdiqlənməyən infeksiyalar, davamlı olaraq sidik yolları infeksiyası böyrək vərəmindən şübhələnməyə əsas verir. Erkən diaqnoz və müalicə müsbət nəticə əldə edilməsinə kömək edir.

"Xəstələr analiz və xüsusi testlərdən keçirlər. Bütün müayinələrdən sonra individual müalicə planı təyin olunur. Qısa müddət ərzində təhlillər yenidən aparılır. Yaxşılaşma müşahidə edilərsə belə xəstə mütəmadi olaraq həkim nəzarətində olmalıdır", - deyə həkim-nefroloq qeyd edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.