Müasir insanın həyatı əbədi yarışa çevrilib. Daim harasa tələsirik, əsəbləşirik, yuxusuzluqdan şikayət edirik.
Milli.Az ölkə.az-a istinadən bildirir ki, yuxusuzluq orqanizmə mənfi təsir edir, onu zəiflədir və xəstələnməsinə səbəb olur. Əgər yuxunuz ideal deyilsə, gec yuxuya gedirsinizsə və az yatırsınızsa, aşağıdakı siyahıya diqqət edin.
1. Yulaf sıyığı
Bir çoxları üçün bu sıyıq səhər yeməyidir. Onun tərkibində faydalı maddələrlə yanaşı melatonin yuxu hormonu da var və bu səbəbdən səhər yuxudan tez duran, tam istirahət etmək istəyənlər üçün əla seçimdir.
2. Banan
Minerallar mənbəyidir və tərkibindəki amin turşusu istirahətə kömək edir. Amma bananı yuxudan 1 saat əvvəl yemək olmaz.
3. Badam
Badamın tərkibində maqnium, triptofan və zülal var. Yaxşı yuxu üçün bir neçə ədə badam yemək və ya bir xörək qaşığı badam yağı qəbul etmək məsləhətdir.
4. Albalı
Albalının tərkibində melatonin miqdarı çoxdur və bu da sağlam və möhkəm yuxu üçün əladır. Əgər siz albalı əvəzinə albalı şirəsi qəbul etmək istəyirsinizsə, yaxşı və əsl markanı seçin.
5. Süd
Yuxusunu təbii yolla qaydaya salmaq istəyənlərə süd kömək edə bilər. Südün tərkibində kalsi ilə yanaşı zülal və triptofan var. Əgər süd xoşlamırsınızsa, yoqurt və kəsmikdən istifadə edin.
6. Yumurta
Hətta bir ədəd yumurta yemək də tez yuxuya getməyə təsir edir. Yumurtanın tərkibindəki zülal yaxşı yuxu üçün əladır.
7. Humus
Tərkibindəki bitki zülalı olan humus yuxuya müsbət təsir edir.
8. Balıq
Tuna, paltus və krevetin tərkibində B6 vitamini ilə yanaşı triptofan da var. Bu maddə yaxşı yuxu üçün lazım olan serotonin və melatonin ifrazını dəstəkləyir.
9. Bitki çayı
Yaxşı yuxu üçün bir fincan yaşıl çay içmək olar. Onun tərkibində çobanyastığı, limon olması isə lap əla olar.
10. Bal
Balın tərkibində olan qlükoza tez yuxuya getməyə təsir edir. Bundan başqa bal ilə bitki çayı da içmək mümkündür.
Milli.Az