Sağlamlıq

Müalicəsi olmayan xərçəngə qalib gəlməyin yolu tapıldı

14 Yanvar 2019 13:40
1 Şərh     Baxış: 3 258
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bazel Universitetinin (İsveçrə) alimləri müalicəsi olmayan mərhələdə olan xərçəng zamanı metastazların (bədxassəli şişlərin ikinci dərəcəli ocaqları) inkişafını əngəlləyən maddə aşkarlayıb.

Milli.Az oxu.az-a istinadla xəbər verir ki, bu barədə yazı "MedicalXpress" nəşrində dərc olunub.

Metastaz xərçəngdən əziyyət çətən xəstələrdə ölüm hallarının 90 faizinə cavab verir. İkinci dərəcəli ocaqların inkişafına səbəb sirkulyasiya edən şişli hüceyrələrdir. Onlar ilkin ocağı tərk edərək, qan dövranına daxil olur və beləcə, digər toxumalara və orqanlara yayılırlar. Bu hüceyrələr klasterlər şəklində birləşərək sonradan metastaza yol açır.

Alimlər müəyyən edib ki, klasterlərin metastazlara çevrilməsində epigenetik nəzarət mexanizmləri mühüm rol oynayır. Onlar sirkulyasiya edən hüceyrələri kök hüceyrələrinə bənzədir ki, nəticədə, onların toxumalarda və proliferasiyada möhkəmlənməsinə vasitəçilik edir. Təcrübə zamanı ayrıca hüceyrələrdə klasterlərin dağıdılması epigenetik tənzimləmə mexanizmini "deaktivləşdirir".

Alimlər FDA-nın (Qida məhsullarının və tibbi preparatların keyfiyyətinə sanitar nəzarət idarəsi) təsdiqlədiyi 2486 dərman vasitəsini yoxlayıb və klasterlərin formalaşmasını əngəlləyən inhibitorları müəyyən edib. Həmin preparatlar metastazların inkişafının qarşısını alır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.