Sağlamlıq

Qocalma prosesini ləngidən həb hazırlanıb

11 İyun 2018 23:39
0 Şərh     Baxış: 1 870
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Uzun müddətdir ki, insan orqanizminin təbii qocalma müddətini ləngitmək məsələsi bir çox mütəxəssisləri düşündürür. Orta əsrlərdə körpələrin qanı ilə yuyunmaq da daxil olmaqla bir çox cavanlaşma metodları irəli sürülürdü.

Milli.Az AZƏRTAC-a istinadən bildirir ki, Yeni Cənub Uelsi Universitetində tədqiqat aparan avstriyalı alimlər, özlərinin də iddia etdikləri kimi, qocalmaya qarşı həb hazırlayıblar. Bildirilir ki, bu həblərin qəbul edilməsi ilə DNT-ni bərpa etmək mümkündür. Yeni preparatın əsasını NAD+ metaboliti təşkil edir. Həbi siçanların üzərində sınaqdan keçiriblər. Alınan nəticələrə görə, bu preparat DNT hüceyrələrini sağaltmaq üçün, habelə təkcə qocalmaq əleyhinə deyil, radiasiyaya qarşı da təsirli vasitədir.

Alimlər hər bir canlı orqanizmin hüceyrələrində təbii şəkildə mövcud olan NAD+ metabolitinin sözügedən proseslərə təsirini əvvəllər də bilirdilər. Həbin sınaq mərhələsində olmasına baxmayaraq, artıq çox ciddi təşkilatlar, o cümlədən NASA ona maraq göstərib. Mütəxəssislər Marsa növbəti ekspedisiya zamanı bu preparatdan istifadə olunacağını ehtimal edirlər. Məsələ ondadır ki, kosmik səyahətlər DNT-nin sürətlə qocalmasına səbəb olur. Bunun səbəbi isə kosmik şüalanmadır. Yeni preparat bu amillərə qarşı mübarizə aparmağa kömək edəcək.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.