Sağlamlıq

Gün eynəklərini necə seçməli?

25 May 2018 22:58
0 Şərh     Baxış: 1 933
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Günəşin ultrabənövşəyi (UB) şüalarına uzun müddət məruz qalmaq gözün torlu qişasının zədələnməsinə və katarakt (mirvari suyu) kimi göz problemlərinə səbəb ola bilər. Bunun baş verməməsi üçün gün eynəklərindən istifadə etmək mütləqdir. Lakin gün eynəyi taxmaq çox böyük diqqət tələb edir.

Azərbaycan Tibb Universitetinin (ATU) mətbuat xidmətindən Milli.Az-a verilən xəbərə görə, keyfiyyətsiz, UB şüaları keçirən şüşədən hazırlanmış gün eynəyi istifadə edildiyi zaman göz bəbəkləri böyüyür. Tünd şüşələr gözün təbii qorunma mexanizmini (bəbəyin parlaq işığa reaksiyası) pozur, lakin qoruya bilmir. Bu da zərərli şüaların gözə daha çox daxil olaraq torlu qişada zədələyici təsir yaratmasına səbəb olur. Uzun müddət ərzində gözdə miopiya, astiqmatizm, hətta iki göz arasında əlaqənin zəifləməsi və ikili görmə yarana bilər.

Gün eynəyi seçərkən diqqət edilməli məqamlar var. Belə ki, ilk olaraq eynəyi taxdığınızda bulanıq görürsünüzsə, şüşəsinin keyfiyyətsiz olduğundan əmin ola bilərsiniz. Üz quruluşuna uyğun eynək seçilməsi tövsiyə olunur. Çünki eynək üz quruluşuna tam uyğun gəlmədiyi halda gözünüz yan tərəflərdən günəşin zərərli şüalarına məruz qala bilər. Eynəyin şüşəsinin rənginin hər tərəfində eyni olmasına diqqət edilməlidir. Eynəyi taxdığınız zaman qarşı tərəfdə duran şəxs gözlərinizi görürsə demək ki, şüşəsi kifayət qədər tünd deyil.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.