Sağlamlıq

Uşaqlarınızı belə oturmağa qoymayın, YOXSA...

21 Aprel 2019 20:00
3 Şərh     Baxış: 1 405

Uşağınızın oturma şəkli bir çox ortopedik problemlərdən xəbər verə bilir. Belə ki, həkimlər tez-tez azyaşlı uşaqların 5-6 yaşından sonra meydana çıxan problemlərinin məhz 1-2 yaş aralığındakı oturma formalarından qaynaqlandığını deyirlər. Bəs görəsən bu nədir? Söhbət 1-2 yaş arakığında olan uşaqların "w" şəklində oturmasından gedir. Diqqət etsəniz görərsiz ki, xüsusilə "W" oturuşu dediyimiz forma uşaqlarda çox rast gəlinir.

Bəs bu "W" oturuşu nədir?

Milli.Az "W" oturuşunun uşaqlarda yarada biləcək problemləri haqqında maraqlı faktları təqdim edir:

Adətən 1-2 yaş dövründə olan uşaqlar tez-tez dizlərini qatlayaraq, ayaqlarını müvafiq olaraq sağ və sol istiqamətində geriyə uzatmaqla dizlərinin üzərində otururlar. Həkimlər buna "W" şəklində oturma deyir. Bu zaman uşaqların bütün bədən ağırlıqları bud, diz və ayaq topuqları üzərinə düşür. Bu təzyiq nəticəsində uşaqların bud, diz və ümumilikdə bədən quruluşunda, qamətində çox ciddi pozuntular yarana bilir.

"W" oturuşunun gələcəkdə uşaqlara qazandırdığı problemlər bunlardır :

1. Gövdə gücündə azalma: Bu oturuş şəklində bədən əzələləri minimum şəkildə istifadə edilir. Bu isə dik dayanmağa kömək edir. Lakin xüsusilə qarın və kürək bölgəsindəki əzələlər zəifləyir.

2. Bud nahiyəsində çıxıq: Xüsusilə bədən ağırlığının bud üzərinə düşməsi onun inkişafına mane olur ki, bu da gələcəkdə bud çıxığı riskinin artmasına səbəb olur.

3. Bədəndə hərəkətsizlik: Bu vəziyyətdə oturan uşaqlar xüsusilə çarpaz gövdə hərəkətlərini edə bilmirlər. Bu da gələcək dövrdə oturaq iş həyatında onlara ciddi problemlər yaşada bilər.

4. Əllərdə passivlik: "W" oturuş formasında olan uşaqlar oyun oynayan zaman oyuncaqları müvafiq olaraq soldadırsa sol əlləri ilə, sağdadırsa sağ əlləri ilə götürürlər. Bu isə əllərin birgə fəaliyyətini zəiflədir.

5. Bud və çanaq quruluşunda deformasiya: Bu oturuş şəkli vərdiş halına gələrsə, bud prizmasında pozulmaya səbəb ola bilər. Bu da diz və ayaq biləklərində, çanaq nahiyəsində struktur pozuntularına gətirib çıxara bilər. Gələcəkdə isə ayaqda dabanın, pəncənin düz olması kimi fiziki qüsurlara gətirib çıxara bilir.

Həkimlər tövsiyyə edir ki, əgər uşağınız davamlı "W" şəklini xatırladacaq tərzdə oturursa, yavaşca ayaqlarını düz uzadın, uyğun və rahat formada oturmasına kömək edin. Ya da onun kiçik bir kresloda oturmasını təmin edin. (publika.az)

Milli.Az

Məqaləyə dair fotomateriallar:

loading...

Şərh yaz:

3 Şərh:

  • Anonim
    Daglı · 21 Aprel 21:3220

    Fon şəklindəki uşagın xətrinə dəymək olar heç,qoy ürəyi necə istəyir elə də otursun)

    Cavab yaz
    • Anonim
      Papatya · 21 Aprel 22:2020

      Menim qizim da tam da o formada oturur:( stolda oturduram, onda da sufre elden gedir. Ele bilki cizma qaranin yaridan coxun sufrede çekir:) hele teze teze çekmeye baslayanda oboy da nesibini alib.

      Cavab yaz
      • Anonim
        Daglı · 21 Aprel 22:3720

        Axşamınız xeyir, xətrinə dəyməyin), xoşbəxt böyüsün,bizim uşaq qab-qacaq sındırmagı xoşlayırdı)

        Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.