Sağlamlıq

Orqanizmi təmizləyən və cavanlaşdıran FAYDALI GÖYƏRTİ

16 Aprel 2018 22:29
1 Şərh     Baxış: 8 605

İspanaq əslində göyərti deyil, yarpaq tərəvəzdir. İspanaq Avropa və Amerikada çox populyardır.

Fransızlar ispanağı "krallar tərəvəzi"adlandırırlar. Amerikalılar üçün ispanaq sağlamlıq və güc rəmzidir. Amerikada ispanaq kiçik yaşlı uşaqların qidalanmasına daxil olan ilk tərvəzlərdən biridir. Onlar bunu uşaqların sümüklərinin normal inkişafı və raxitin profilaktikası üçün edir.

İspanaq çox zəngin vitamin və minerallar mənbəyidir. Burada A, E, C, K, PP, B qrupu vitaminləri, kalsium, maqnezium, kalium, dəmir, fosfor, sink, marqans, mis, selen kimi minerallar var. Həmçinin ispanaq qidalı liflər və zülalla da zəngindir. Kimyəvi tərkibə görə ispanağı ən faydalı göyərti kimi hesab etmək olar.

Milli.Az saglamolun.az-a istinadən xəbər verir ki, ispanağın insan sağlamlığı üçün faydaları saymaqla bitməz:

- orqanizmi vitamin və minerallarla təmin edir, hipovitaminozlar zamanı olduqca faydalıdır

- orqanizmdən ziyanlı maddələri xaric edir

- maddələr mübadiləsi proseslərini yaxşılaşdırır, arıqlamağa kömək edir

- qanın tərkibini yaxşılaşdırır, qanazlığı zamanı faydalıdır

- bağırsaqların fəaliyyətini stimullaşdırır, qəbizliyi aradan qaldırır

- mədəaltı vəzinin fəaliyyətinə müsbət təsir edir

- qanda xolesterinin və şəkərin səviyyəsini aşağı salır

- sinir sistemi üçün faydalıdır

- damarları genişləndirir, arterial təzyiqi tənzimləməyə yardım edir

- göz sağlamlığını qoruyur.

Gözəlliyi ilə bütün dünyada məşhur olan fransız qadınları ispanağı formada qalmaq və dərini daha gözəl etmək üçün daim istifadə edir. Sizə ispanaq maskasının reseptini təqdim edirik: ispanaq yarpaqları yaxşı yuyulur, blenderdə əzilir, üz dərisinə çəkilir. Maskanı 20 dəqiqə saxlayın, sonra yuyun və nəmləndirici krem çəkin.

İspanağın əsas mənfi cəhəti tərkibində çoxlu turşəng turşusunun olmasıdır. Bu səbəbdən ispanağı podaqra və böyrək xəstəlikləri zamanı istehlak etmək olmaz.

Milli.Az

Şərh yaz:

1 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.