Sağlamlıq

Müəllimlərdən birinin vərəm xəstəsi olduğu məktəbdən AÇIQLAMA

15 Fevral 2018 10:35
1 Şərh     Baxış: 2 001

Bakının 23 saylı məktəbində şagird və müəllimlər arasında xəstəlik əlamətləri aşkar olunmayıb.

Milli.Az Trend-ə istinadən xəbər verir ki, bu barədə müəllimlərindən birinin vərəm xəstəliyinə yoluxduğu 23 saylı məktəbin yaydığı məlumatda bildirilir.

Qeyd olunub ki, müəllimlərdən biri xəstələnərək dekabrın sonunda KRVİ diaqnozu ilə xəstəlik məzuniyyətinə çıxmış və bu günə qədər işə qayıtmamışdı. 9 fevral 2018-ci il tarixdə Nəsimi Rayon Gigiyena və Epidemiologiya Mərkəzindən gələn rəsmi məktubda müəllimənin başqa diaqnozu barədə məlumat alınıb və dərhal valideynlərə və müəllimlərə bu məlumat çatdırılıb. Hazırda məktəb Səhiyyə Nazirliyinin müvafiq qurumları ilə əməkdaşlıq edərək bütün lazımi tədbirlərin həyata keçirilməsi üçün şərait yaradıb: şagirdlər, müəllimlər, inzibati və texniki işçilərin müayinəsi aparılır, həkimlər tərəfindən valideynlərin suallarına cavab verilir.

Məktəbdən bildirilib ki, bu günə qədər şagirdlər və müəllimlər arasında xəstəlik əlamətləri aşkar olunmayıb. 23 saylı məktəb normal rejimdə işləyir, bütün təlim-tərbiyə tədbirləri planlaşdırılmış qrafik üzrə həyata keçirilir.

Xatırladaq ki, Elmi Tədqiqat Ağciyər Xəstəlikləri İnstitutunun direktoru Həqiqət Qədirova ötən gün Trend-ə bildirmişdi ki, müəllimənin vərəm xəstəsi olması onun haqqında məlumatın vərəmə yoluxmuş şəxslə bağlı elektron məlumat bazasına təqdim edillməsi zamanı aşkarlanıb:

"Hazırda xəstə özü vərəm əleyhinə müəssisədə müalicə edilir. Onun barəsində olan məlumat isə müvafiq Gigiyena və Epidemiologiya Mərkəzinə göndərilib ki, işlədiyi müəssisədə lazımi tədbirlər görülsün. Xəstə müəllimənin işlədiyi məktəbdə həm Ağciyər Xəstəlikləri İnstitutu, həm 1 saylı Vərəm Əleyhinə Dispanser, həm də Nəsimi rayon Gigiyena və Epidemiologiya Mərkəzi tərəfindən lazım olan tədbilər həyata keçirilir. Məktəbdə həm şagirdlərin, həm də müəllimlərin müayinəsi aparılır. Müayinələr təxminən 1 həftə ərzində başa çatacaq. Ondan sonra məktəbdə vərəmlə bağlı vəziyyətin necə olduğu aydın olacaq".

Milli.Az

Digər maraqlı xəbərlər Milli.Az-ın Facebook səhifəsində

Şərh yaz:

1 Şərh:

  • Anonim
    $.$.$. · 15 Fevral 10:4130

    muəllimə xəstə ola ola işə gəlməməliydi. bəlkə də mualicə alırmış yenə gəlməməliydi. vərəm kecirici xəstəlikdir. lap bu muəllimə gəlib dərslərdə iştirak edibsə də bu cur onun xəstəliyini ictimailəşdirməyin nə önəmi var ki ? indi xəstəlik bir yana bu qınaqın yukundən muəllimə daha cox travma alacaq. şukur hec bir xəstəlik məktəbdə aşkar edilməyib . muəllimə də mualicə olunub saq salamat işinə qayıdar bu xəstəliyi indi həkimlərimiz cox asan yolla mualicə edirlər. sadəcə vaxt və maddiyat lazımdır.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.