Sağlamlıq

Anestezioloq: "Bəzən mütəxəssislər beyin ölümü keçirən insanın müalicəsini davam etdirirlər"

9 Fevral 2018 13:33
0 Şərh     Baxış: 1 150
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bəzən mütəxəssislər beyin ölümü keçirən insanın müalicəsini davam etdirirlər. Çünki onun ürəyi dayanmayıb.

Milli.Az Trend-ə istinadən xəbər verir ki, bunu Milli Məclisin Səhiyyə komitəsinin iclasında Mərkəzi Neftçilər Xəstəxanasının anestezioloq-reanimatoloqu Qulam Rüstəmzadə "İnsan orqan və toxumalarının transplantasiyası haqqında" qanunun təkmilləşdirilməsinə dair keçirilən dinləmələrdə deyib.

Q.Rüstəmzadə deyib ki, əslində, beyin ölümü keçirən insan ölmüş sayılır. Buna görə də mütəxəssislər üçün beyin ölümü təlimatları üzrə treninqlərin keçirilməsi vacibdir: "Hələ indiyədək ölüm səbəbi kimi beyin ölümü diaqnozu qoyulmur. Əsas səbəb kimi ürəyin fəaliyyətinin dayandırılması göstərilir. Nə qədər ki, biz beyin ölümü diaqnozunu qoya bilmirik, onda meyitdən orqan transplantasiyasını həyata keçirə bilməyəcəyik".

Milli Məclisin Səhiyyə komitəsinin üzvü Rəşad Mahmudov deyib ki, 1973-74-cü illərdə akademik Cavadzadə tərəfindən Azərbaycanda 4-5 meyitdən orqan köçürülüb: "Amma son illərdə bu, niyə həyata keçirilmir? Bunun həyata keçirilməməsinin başlıca səbəbi meyitdən orqanların götürülməməsi ilə bağlıdır. Biz öz xəstəxanalarımızı yoxlamalıyıq ki, ölkədə reanimatoloqlar tərəfindən necə dənə beyin ölümü diaqnozu qoyulur. Biz bu diaqnozu qoya bilirikmi? Bunu təsdiqlədikdən sonra biz ikinci mərhələyə - etik baxımdan problemlərin həlli, insanların buna hazır edilməsi və s.-ə keçərək bu problemin həlli istiqamətində daha böyük addımlar ata bilərik".

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.